Senatorlar keıbir zańnamalyq aktilerine probatsııa qyzmeti máseleleri boıynsha ózgerister engiziletin zań jobasyn maquldady
ASTANA. 18 qańtar. QazAqparat /Rýslan Ǵabbasov/ - Búgin QR Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine probatsııa qyzmeti máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
Atalǵan qujat boıynsha QR Іshki ister vıtse-mınıstri Amantaı Kúreńbekov baıandama jasady.
Zań jobasynyń maqsaty sottalǵan adamnyń júris-turysyn odan ári túzetý, jańa qylmystar jasaýynyń aldyn alý jáne jábirlenýshige zalaldy óteý úshin oǵan áleýmettik-quqyqtyq kómek kórsete otyryp, oǵan qatysty baqylaýdy júzege asyrý úshin QR Іshki ister mınıstrliginiń qylmystyq atqarý júıesinde probatsııa qyzmetin engizý bolyp tabylady. Zań jobasyna sáıkes mundaı baqylaý shartty túrde sottalǵandarǵa qatysty sot aıqyndaǵan merzim ishinde engiziledi.
Zań jobasymen Qylmystyq, Qylmystyq is júrgizý, Qylmystyq-atqarý kodeksterine jáne 5 zańǵa túzetýler engizý kózdeledi. Senattyń turaqty komıtetterinen zań jobasynyń tujyrymdamasy boıynsha eskertýler kelip túsken joq.
