Senatorlar keıbir zańnamalyq aktilerge ınvestıtsııalar máseleleri boıynsha ózgerister engiziletin zańdy qabyldady
ASTANA. 18 qańtar. QazAqparat /Rýslan Ǵabbasov/ - Búgin senatorlar jalpy otyrysta «Qazaqstan Respýblıkasynyń keıbir zańnamalyq aktilerine ınvestıtsııalar máseleleri boıynsha
ózgerister men tolyqtyrýlar engizý týraly» Zańdy qabyldady. Atalǵan qujat boıynsha Indýstrııa jáne jańa tehnologııalar mınstriniń birinshi orynbasary Albert Raý baıandama jasady.
Bul zań jobasy «Investıtsııalar týraly» Qazaqstan zańyn Keden odaǵynyń Keden zańnamasyna sáıkes keltirý maqsatynda ázirlengen. Zań jobasymen ınvestıtsııalyq jobany iske asyrý aıasynda Keden odaǵyna qatysýshy memlekettiń aýmaǵyna ákelinetin tehnologııalyq jabdyqty, oǵan jınaqtaýshylar men qosalqy bólshekterdi, shıkizat pen materıaldardy kedendik bajdardan bosatý kózdeledi. Zań jobasyna engiziletin ózgerister men tolyqtyrýlar shıkizat pen materıaldardy ákelýge qatysty Qazaqstannyń zańdy tulǵalaryn tirkeýden aktıvterge ınvestıtsııa kólemine qaraı jáne ınvestıtsııalyq joba tizbesine sáıkes kelgen jaǵdaıda 5 jylǵa deıingi merzimge kedendik bajdar salýdan bosatýdy kózdeıdi. Bul basymdyqty qyzmet túrleriniń tizbesi jylyna bir retten artyq qaralmaıdy.
