Senatorlar Keden odaǵy aıasynda aqparattyq tehnologııalardy damytý jónindegi zań jobalaryn qarady
ASTANA. 20 jeltoqsan. QazAqparat - Keshe Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń keńeıtilgen otyrysynda Keden odaǵynyń syrtqy jáne ózara saýdasynyń ıntegratsııalanǵan aqparattyq júıesin qurý, onyń jumys isteýi jáne damýy týraly kelisimdi ratıfıkatsııalaý týraly zań jobasy qaraldy.
Kelisimdi iske asyrý aqparattyq telekommýnıkatsııalyq tehnologııalardy paıdalana otyryp, kedendik, salyqtyq, kóliktik jáne memlekettik baqylaýdyń basqa da túrlerin júzege asyrý sapasyn arttyrady, Keden odaǵynyń kedendik aýmaǵynda syrtqy jáne ózara saýdany tıimdi retteýdi qamtamasyz etedi, sharýashylyq júrgizý sýbektilerine de qolaıly jaǵdaılar jasaýǵa járdemdesedi.
Otyrysta sondaı-aq Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný týraly kelisimdi ratıfıkatsııalaý týraly zań jobasy da qaraldy.
Kelisim Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý úshin aqparattyq tehnologııalardy qoldaný kezinde Keden odaǵyna múshe memleketterdiń memlekettik organdarynyń, jeke nemese zańdy tulǵalardyń elektrondyq qujattardy jasaýy, jóneltýi, berýi, alýy, saqtaýy jáne paıdalanýy protsesinde týyndaıtyn qatynastardy retteıdi.
Odan basqa, komıtet otyrysynda zańnamaǵa sáýlet,qala qurylysy jáne qurylys qyzmeti máseleleri boıynsha ózgerister men tolyqtyrýlar engizý týraly zań jobasy ekinshi oqylymda qaraldy.
Bul zań jobasy sáýlet,qala qurylysy jáne qurylys qyzmetin zańnamalyq turǵyda qamtamasyz etýdi odan ári jetildirý maqsatynda ázirlengen bolatyn.
Zań jobalary Palatanyń qaraýyna jiberildi.
