Senatorlar Qazaqstan men Ýkraına arasyndaǵy quqyqtyq kómek týraly qujatty qaraıdy
NUR-SULTAN. QazAqparat - Palata tóraǵasy Máýlen Áshimbaevtyń tóraǵalyǵymen Senat Bıýrosynyń otyrysynda depýtattar aldaǵy jalpy otyrystyń kún tártibin talqylady, dep habarlaıdy QazAqparat.
«Depýtattar 2020 jylǵy 8 qazan, beısenbide Senat otyrysynda «Qazaqstan Respýblıkasy men Ýkraına arasyndaǵy qylmystyq ister boıynsha quqyqtyq kómek týraly shartty ratıfıkatsııalaý týraly» zań jobasyn qaraıtyn boldy. Bıýro músheleri Áleýmettik-mádenı damý jáne ǵylym komıteti otyrysynyń qorytyndysy boıynsha aqparatty tyńdady, onda depýtattar elimizdegi medıtsınalyq qyzmetterdiń sapasy, qoljetimdiligi jáne damý keleshegi máselelerin talqylaǵan bolatyn», - delingen Senat baspasóz qyzmetiniń málimetinde.
Senatorlar Qarjy jáne bıýdjet komıteti músheleriniń «Tórtinshi deńgeıdegi bıýdjet jáne jergilikti ózin-ózi basqarýdyń qarjylyq turaqtylyǵy: problemalar jáne olardy sheshý joldary» taqyryby boıynsha dóńgelek ústel otyrysyna daıyndyq aıasynda Aqmola oblysyna saparynyń nátıjelerin jeke talqylady.
Senat Bıýrosynyń otyrysynda Máýlen Áshimbaev 2020 jylǵy 16 qazanda «Bilim berý, densaýlyq saqtaý, jumyspen qamtý salalaryndaǵy tsıfrlandyrý: jaı-kúıi, qoljetimdiligi jáne qaýipsizdigi» taqyryby boıynsha mańyzdy Úkimet saǵaty sharasy ótetinin eske saldy.
Sonymen qatar Bıýroda Májilisten kelip túsken zań jobalary bólinip berildi. Konstıtýtsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratıfıkatsııalaý týraly» zań jobasy boıynsha bas komıtet bolyp belgilendi.
Halyqaralyq qatynastar, qorǵanys jáne qaýipsizdik komıtetine «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Memlekettik shekarasyn kúzetý jáne ulttyq qaýipsizdik máseleleri boıynsha ózgerister men tolyqtyrýlar engizý týraly» zań jobasy boıynsha qorytyndy ázirleý tapsyryldy.
