Senatorlar Qazaqstan men Armenııa arasyndaǵy ınvestıtsııalardy kótermeleýge qatysty qujatty qabyldady
ASTANA. Sáýirdiń 29-y. QazAqparat /Aıdar Ospanálıev/ - Búgin Parlament Senatynyń jalpy otyrysynda depýtattar «Qazaqstan Respýblıkasynyń Úkimeti men Armenııa Respýblıkasynyń Úkimeti arasyndaǵy ınvestıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» zań jobasyn qabyldady,
dep habarlaıdy QazAqparat.
Atalmysh kelisimge 2006 jyldyń qarasha aıynyń 6-synda Astanada qol qoıylǵan. Indýstrııa jáne jańa tehnologııalar vıtse-mınıstri Nurmuhambet Ábdibekovtiń aıtýynsha, qujat Qazaqstan men Armenııa arasyndaǵy qatynastardy damytýdaǵy mańyzdy oqıǵa bolyp tabylady. Zań jobasy eki el arasyndaǵy ınvestıtsııalardy yntalandyrýǵa qolaıly jaǵdaılar jasaıdy. Sondaı-aq qujat eki eldegi ınvestıtsııalyq ahýaldy jetildirip, ózara tabysty, saýda-ekonomıkalyq yntymaqtastyqty odan ári damytýǵa yqpal etedi.
