Senatorlar Qazaqstan-Lıtva arasynda sottalǵandardy ustap berý máselesin talqylady

NUR-SULTAN. QazAqparat - Búgin QR Parlamenti Senaty Konstıtýtsııalyq zańnama, sot júıesi jáne quqyq qorǵaý organdar komıtetiniń keńeıtilgen otyrysy ótti. Onda «Qazaqstan Respýblıkasy men Lıtva Respýblıkasy arasyndaǵy bas bostandyǵynan aıyrýǵa sottalǵan tulǵalardy jáne medıtsınalyq sıpattaǵy májúrleý sharalaryn qoldanylǵan tulǵalardy ustap berý týraly shartty ratıfıkatsııalaý týraly» zań jobasyn qaraldy, dep habarlaıdy QazAqparat tilshisi.

Shara barysynda senator Dýlat Qusdaýletov elimizdiń bul shartty ne úshin ratıfıkatsııalaıtyndyǵyn túsindirip berdi.

«Bizdiń Lıtvamen sotalǵandarǵa qatysty qaıdan da bir problemamyzdyń bolýy mindetti emes. Bul azamattarymyzdyń quqyqtyq kómeginiń aıasyn keńeıtý máselesi. Óıtkeni, bul máseler qylmystyq zańnamaǵa kiredi. Bul qandaı da bir sebeptermen ózge elde sottalǵan azamattarymyzdy berý máselesinde talap etiledi. ıAǵnı, bul azamattarymyzdyń jazasyn bizde óteý konstıtýtsııalyq quqyǵyn qorǵaý bolyp sanalady. Zań jobasy bizdiń quqyq qorǵaý organdarynyń, Іshki ister mınıstrliginiń qyzmet aıasyn keńeıtedi»,- dedi ol.

Sonymen qatar, senator «medıtsınalyq sıpattaǵy májúrleý sharalaryn qoldanylǵan tulǵalardy ustap berý» qandaı maǵyna bildiretindigin aıtyp berdi.

Senatorlar zań jobasyn egjeı-tegjeıli qaraǵannan keıin ony Senattyń jalpy otyrysynda qaraýǵa shyǵarý týraly sheshim qabyldady.