Senatorlar qashyqtan jumys isteý týraly zań jobasyn qarady

NUR-SULTAN. QazAqparat - Búgin Senattyń Áleýmettik-mádenı damý jáne ǵylym komıtetiniń keńeıtilgen otyrysy bolyp, onda senatorlar «Qazaqstan Respýblıkasynyń Eńbek kodeksine qashyqtan jumys isteýdiń quqyqtyq rettelýin jetildirý máseleleri boıynsha ózgerister men tolyqtyrýlar engizý týraly» zań jobasyn qarady, dep habarlaıdy QazAqparat.

Zań jobasy qashyqtan jumys isteý túrin quqyqtyq retteýge baǵyttalǵan. Osy qujatty qabyldaǵannan keıin qyzmetkerler jumys berýshimen kelisim boıynsha qashyqtan jumys isteı alady. Jumys berýshi qashyqtan jumys isteýdi nemese aralas qashyqtan jumys isteýdi tótenshe nemese soǵys jaǵdaıy engizilgen, tótenshe jaǵdaı, karantın jarııalanǵan kezeńde jáne basqa da jaǵdaılarda ýaqytsha belgileýge quqyly.

Qyzmetkerlerdiń eńbek quqyqtaryn qorǵaý – zań jobasynyń negizgi mindetteriniń biri. Atap aıtqanda, jumys berýshi qashyqtan jumys isteıtin qyzmetkerlerin qajetti jabdyqtarmen, aqparattandyrý obektilerimen, baılanys qyzmetterimen jáne basqa quraldarmen qamtamasyz etýge mindetti dep jazylǵan. Al qashyqtan jumys isteý kezindegi jalaqy eńbek shartynda kórsetilgen jumys kólemin oryndaý kezinde tolyq mólsherde tólenýi kerek.

Zań jobasy Palatanyń qaraýyna jiberildi.