Senatorlar Qarjy mınıstrligi Memlekettik kiris komıtetiniń basshylyǵymen kezdesti

ASTANA. QazAqparat - Búgin Parlament Senaty Qarjy jáne bıýdjet komıtetiniń tóraǵasy Rashıt Ahmetov bastaǵan komıtet músheleri salyq salý jáne kedendik ákimshilendirý máseleleri boıynsha Qarjy mınıstrligi Memlekettik kiris komıtetiniń tóraǵasymen kezdesti. Salyq salý jáne kedendik ákimshilendirý jónindegi Prezıdent N.Nazarbaev alǵa qoıǵan mindetter aıasynda talqylaýdyń mańyzdylyǵyn atap ótken Qarjy jáne bıýdjet komıtetiniń tóraǵasy Rashıt Ahmetov salyq salý jáne kedendik ákimshilendirý isi memlekettik kiris organdary júzege asyratyn uıymdastyrý-quqyqtyq jáne basqa da is-qımyl men sharalarynyń jıyntyǵy ekenin atap ótti.

Senator memlekettiń halyqpen jáne bıznespen ózara is-qımyly júzege asyrylatyn eń aıqyn áleýmettik sala ekenin atap ótip, belgili bir jetispeýshilikter men olqylyqtar salyq túsimderiniń, kedendik jáne bıýdjetke tólenetin basqa da mindetti tólemderdiń azaıýyna, salyq jáne kedendik quqyq buzýshylyqtardyń ulǵaıýyna, solardyń nátıjesinde elimizdiń ekonomıkasyna teris áserin tıgizýi múmkindigin atap ótti.

Kezdesýde Memlekettik kiris komıtetiniń tóraǵasy Dáýlet Erǵojın sóz sóılep, 2014 jylǵy qyzmetiniń negizgi qorytyndylary jáne bıylǵy jylǵa jospary týraly habardar etti. Kezdesý qorytyndysynda D.Erǵojın ákimshilendirýdiń bızneske aýyrtpalyqtaryn azaıtý, salyq ákimshilendirýi, salyq tóleýden jaltarýǵa qarsy halyqaralyq tájirıbeni bizdiń elimizde qoldaný, offshorǵa shyǵarylǵan aqsha qarjysyn anyqtaý sharalary, kóleńkeli aınalymdy boldyrmaý, Keden odaǵy aıasyndaǵy quqyqtyq ákimshilendirý, salyq salý qyzmetin jetildirý, kameralyq baqylaý, salyq júıesin jańǵyrtýǵa qatysty depýtattardyń saýaldaryna jaýap berdi.