Senatorlar Qanysh Sátbaevtyń mereıtoıyn joǵary deńgeıde atap ótýdi usyndy

ASTANA. QazAqparat - Senator Altynbek Nýhuly qazaq halqynyń kórnekti uly, álemge áıgili ǵalym, belgili memleket jáne qoǵam qaıratkeri Qanysh Sátbaevtyń 125 jyldyǵyn joǵary deńgeıde atap ótýge shaqyrdy, dep habarlaıdy QazAqparat tilshisi.

Depýtat QR Premer-Mınıstri Álıhan Smaıylovtyń atyna joldaǵan saýalynda ǵalymnyń mereıtoıyna arnalǵan is-sharalar josparyn bekitý qajet ekenin aıtty.

Senator osy is-sharalar josparyn qaraý jáne bekitý úshin memlekettik komıssııa qurýdy da usyndy.

«Ǵalymnyń týǵan eli – Pavlodar qalasynyń aeroportyna «Akademık Qanysh Sátbaev» esimin berýdi jáne alǵashqy akademıktiń 10 tomdyq tolyq jınaǵy men 5 tomdyq akademııalyq shyǵarmalar jınaǵyn daıyndaý jáne entsıklopedııasyn tolyqtyryp, jańadan eki tilde shyǵarýdy usynamyz. Qazaqstandaǵy Sátpaev mýzeılerin zamanaýı talaptarǵa sáıkes qalypqa keltirý, Qanysh Sátpaevtyń týǵan jerinde memorıaldyq keshen salý jáne buǵan deıingi depýtattyq saýalda kóterilgen 30 kılometrlik týrıstik joldy salýdy bastaý mańyzdy», - dedi senator.

Sonymen qatar ol rýhanııat janashyry bolǵan ǵalym týraly tolyqmetrajdy kórkem-derekti fılm túsirýdi usyndy.

Ashyq kózderden alynǵan foto