Senatorlar ınvestorlardy qoldaý jáne «Saran» ındýstrııalyq aımaǵyn damytýdy talqylady
ASTANA. KAZINFORM – QR Parlamenti Senatynyń Qarjy jáne bıýdjet komıtetiniń depýtattary ınvestıtsııalyq salyq preferentsııasyn berý, bıznesti memlekettik qoldaý jáne ınvestıtsııa tartý máselelerin talqylaý úshin memlekettik organdardyń basshylarymen jáne bıznes qaýymdastyǵy ókilderimen kezdesti.
«Silk Road Electronics» JShS alańynda ótken sharaǵa komıtet tóraǵasy Sultanbek Mákejanov, ónerkásip jáne qurylys, ulttyq ekonomıka mınıstrleriniń orynbasarlary, sondaı-aq Qaraǵandy oblysy ákimdigi men jergilikti kásiporyndardyń ókilderi qatysty.
Kezdesý barysynda «Saran» ındýstrııalyq aımaǵyn damytýdyń keleshegi, salyq saıasaty jáne salyq jeńildiginiń tıimdiligi, sondaı-aq ónerkásip jobalaryn iske asyrý jáne bolat qubyrlar óndirisi men metall buıymdardy myryshtaý isi talqylandy. Pikirtalas aıasynda bıznes ókilderi negizgi syn-qaterlerdi belgilep, olardy sheshý tetikterin usyndy.
Delegatsııa sonymen qatar «Tengri Tyres» jáne «Qaztehna» seriktesterimen qosa ındýstrııalyq aımaqtyń jetekshi kásiporyndarynda bolyp, óndiris qýatymen jáne shoǵarlanǵan ónerkásip áleýetimen tanysty.
Qazaqstandaǵy ınvestıtsııalyq saıasatty jetildirý jáne ındýstrııalyq aımaqtardy damytý jónindegi budan bylaıǵy jumysta osy talqylaýdyń nátıjesi basty baǵdar bolady.
Eske sala keteıik, buǵan deıin
Senat Tóraǵasy Máýlen Áshimbaev Dımash Qudaıbergenge Іzgi nıet elshisi belgisin tabystaǵanyn jazǵan bolatynbyz.