Senatorlar halyqaralyq sharttar týraly zań jobasyn qaraıdy

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda 2022 jyldyń 3 aqpanynda ótetin Senat otyrysynyń kún tártibi bekitildi.

Bıýro músheleri aldaǵy Senat otyrysynyń kún tártibine depýtat Beıbit Isabaev ant berýi týraly máseleni qosýdy usyndy, dep habarlaıdy QazAqparat Senattyń baspasóz qyzmetine silteme jasap.

Sondaı-aq Palata otyrysynda Senat depýtattary «Qazaqstan Respýblıkasynyń halyqaralyq sharttary týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn qaraıdy. Bul qujat halyqaralyq sharttardy retteý salasyndaǵy zańnamany odan ári jetildirýdi kózdeıdi.

Odan bólek, Bıýro otyrysynda Májilisten kelip túsken «2014 jylǵy 12 qarashadaǵy Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge ózgerister engizý týraly hattamany ratıfıkatsııalaý týraly» zań jobasy jumys úshin Ekonomıkalyq saıasat, ınnovatsııalyq damý jáne kásipkerlik komıtetine berildi.