Senatorlar Eýropa keńesi Parlamenttik assambleıasynyń jumysyna qatysyp jatyr
ASTANA. QazAqparat - Parlament Senatynyń depýtattary Sáýle Aıtpaeva men Sergeı Plotnıkov Strasbýrgtegi Eýropa keńesi Parlamenttik assambleıasynyń jyl saıynǵy sessııasynyń tórtinshi bóligine qatysýda, dep habarlaıdy Joǵarǵy palatanyń baspasóz qyzmeti.
Eýropa keńesiniń parlamentshileri EKPA mıssııasynyń Albanııadaǵy parlamenttik saılaýdy baıqaýy, Ázerbaıjandaǵy demokratııalyq ınstıtýttar men bul eldiń Eýropa Keńesindegi basymdyqtary, EYDU-nyń 2016-2017 jyldarǵa arnalǵan qyzmeti týraly jáne Iordanııa Parlamentimen demokratııalyq áriptestikti damytý jónindegi esebin talqylaıdy.
Jıyn barysynda DAISh-tiń adamzatqa qarsy jasalǵan qylmystaryn qýdalaý men jazalaý jáne jańa genetıkalyq tehnologııalardy qoldaný máseleleri boıynsha pikirtalas ótkiziledi. Sondaı-aq Mıanma rohındja- musylmandary tóńireginde qalyptasqan tótenshe gýmanıtarlyq jaǵdaıǵa qatysty ózekti pikirtalas ótkizý josparlanyp otyr.
