Senatorlar elimizdegi demografııalyq jaǵdaıdy zerdeledi
ASTANA. KAZINFORM – Senattyń Áleýmettik-mádenı damý jáne ǵylym komıtetiniń depýtattary Qazaqstan Respýblıkasy Strategııalyq josparlaý jáne reformalar agenttiginiń Ulttyq statıstıka bıýrosynda boldy.
Atalǵan basqosýda memlekettiń áleýmettik-ekonomıkalyq damýy úshin demografııalyq ósýdiń mańyzy talqylandy.
«Bala týýdyń kóbeıýi men ólim-jitimniń azaıýy halyq sanynyń arta túsýine – turaqty demografııalyq ósýge alyp keledi, bul el ekonomıkasynyń damýyna jáne halyqtyń ál-aýqatynyń joǵarylaýyna yqpal etedi. Bizdiń oıymyzsha, Úkimet qana emes, osy máselege tikeleı qatysy bar elimizdegi barlyq memlekettik organ, osy salanyń árbir mamany elimizdiń qazirgi demografııalyq jaǵdaıdaǵy básekege qabilettiligin arttyrý jóninde júıeli jumys júrgizýge mindetti», - dedi Nurtóre Júsip.
UNFPA-nyń Halyqty damytý jáne genderlik máseleler jónindegi ulttyq baǵdarlamasynyń Qazaqstandaǵy eldik keńsesiniń ókili Ǵazıza Moldaqulova belsendi jáne salaýatty uzaq ómir súrý qazaqstandyq qoǵam damýynyń mańyzdy negizi bolýy tıis ekenin atap ótti.
Kezdesý barysynda Qazaqstannyń demografııalyq, áleýmettik, ekonomıkalyq jáne mádenı-tarıhı erekshelikterin eskere otyryp, basqa memleketterdiń tájirıbesin paıdalanýdyń mańyzdylyǵy talqylandy.
Aıta keteıik, Senat komıteti bul kezdesýdi «Demografııalyq ósý – ulttyń básekelestik artyqshylyqtarynyń negizi» taqyrybyna arnalǵan Úkimet saǵaty taqyrybynda Úkimettik saǵatqa daıyndyq aıasynda uıymdastyryp otyr.
