Senatorlar Elbasy Joldaýyn túsindirý maqsatynda birqatar kezdesýler ótkizdi

Senator arbada otyratyn múmkindigi shekteýli adamdar úshin arnaýly úı qurylysyn salý jóninde bastama kótergen bolatyn. Qazirgi kezde Aqtóbede osyndaı eki úı bar.

Qaısarlyqpen syrqatqa qarsy turǵan jigerli jandar depýtatqa óz jetistikteri men josparlary týraly oılaryn aıtyp berdi. Ortalyqta tigin sheberhanasy, múmkindigi shekteýli adamdar óz máselelerin jetkizetin qabyldaý bólmesi, múgedek balalarǵa Montessorı júıesi boıynsha jattyǵýǵa arnalǵan oqý kabıneti jumys istep keledi.

Senator Memleket basshysynyń osy Joldaýynda múmkindigi shekteýli azamattardy qoldaýǵa basa nazar aýdarylǵanyn atap ótti. Elbasy Nursultan Nazarbaev: «Olar úshin Qazaqstan kedergisiz aımaqqa aınalýǵa tıis. Bizde az emes ondaı adamdarǵa qamqorlyq kórsetilýge tıis - bul ózimizdiń jáne qoǵam aldyndaǵy bizdiń paryzymyz», - degen bolatyn.

Ortalyqta Joldaýda aıtylǵan bastamalar, ásirese, múgedekterdi eńbekke ornalastyrý jáne olar úshin arnaýly kvota engizý múmkindikterine qatysty usynystar yqylaspen qabyl alyndy.

Múmkindikteri shekteýli adamdar senatorǵa ózderin tolǵandyrǵan máseleler, onyń ishinde kıim tigýge tapsyrystar berý jáne arnaýly kólikpen qamtamasyz etýge qatysty oılaryn jetkizdi. Aıtylǵan barlyq usynystar baqylaýǵa alynatyn boldy.

Al senator Iran Ámirov osy óńirdegi Muǵaljar, Mártók, Alǵa aýdandarynda boldy. Ol aýdandardaǵy partııa aktıvterimen, máslıhat depýtattarymen jáne eńbek ujymdarymen kezdesip, mektepter men balabaqshalaryn, aýrýhanalar men mádenıet mekemelerin aralady.

Júzdesýlerde Memleket basshysy «Qazaqstan joly - 2050: Bir maqsat, bir múdde, bir bolashaq» Joldaýynyń negizgi erejeleri jaıynda aıtyldy. Senator Parlamenttiń zań shyǵarý qyzmeti týraly habardar etip, memlekettik baǵdarlamalardyń mańyzdy basymdyqtaryn talqylady. Parlament múshesi áleýmettik, ekonomıkalyq máselelerge jan-jaqty toqtalyp, aımaq turǵyndarynyń tilekterine qulaq túrdi.

Depýtat aýdandardaǵy sot, prokýratýra, ishki ister bólimderiniń eńbek ujymdarymen de kezdesti. Júzdesýler barysynda jumys sapasyn arttyrý jáne azamattardyń sot bıligi men quqyq qorǵaý organdaryna senimin kúsheıtý máseleleri talqylandy.

Kezdesýlerde máslıhat depýtattary sóz alyp, saılaýshylardyń tilekterin jetkizdi jáne mańyzdy mindetter men ózekti máseleler belgilendi.

Senator sondaı-aq azamattardy da qabyldady. Zeınetaqymen qamtamasyz etý, eńbekke ornalastyrý, balalar baqshalary men mektepke deıingi mekemelerdiń jetispeýshiligi týraly máseleleri saralandy.

Senat depýtaty, Qazaqstan Jazýshylar odaǵy basqarmasynyń tóraǵasy Nurlan Orazalın Almatydaǵy Q.I.Sátbaev atyndaǵy Qazaq ulttyq tehnıkalyq ýnıversıtetiniń professorlyq-oqytýshylar quramymen jáne stýdenttermen kezdesti.

Basqosý Elbasynyń «Qazaqstan joly - 2050: Bir maqsat, bir múdde, bir bolashaq» atty Qazaqstan halqyna Joldaýyn jastar arasynda keńinen nasıhattaý aıasynda ótti.

Elbasy Joldaýynda ózekti máseleler, onyń ishinde, tilimiz ben tól tarıhymyzdyń jaıy, el erteńi týraly basa aıtylǵanyn aıta kelip, senator Joldaýdyń negizgi baǵyttaryna toqtaldy. «Aldyna úlken maqsat qoıǵan el - izgi murattaryna jetedi. Qoǵamnyń bolashaǵy sizderdiń qoldaryńyzda. Sondyqtan zaıyrly qoǵamdaǵy ıntellektýaldy tulǵa bolý sizderge ǵana emes, el bolashaǵy úshin asa mańyzdy» - dedi Nurlan Orazalın.

Kezdesý barysynda senator Elbasynyń «Máńgilik El» ulttyq ıdeıasy týraly jan-jaqty áńgimeledi.

Sondaı-aq, Nurlan Orazalın Aýǵan soǵysy ardagerlerimen júzdesýde, Astanadaǵy "Nur Otan" partııasy janyndaǵy mádenıet pen ónerdi damytý jónindegi "Mıras" qoǵamdyq keńesiniń otyrysynda, Almaty qalasyndaǵy ál-Farabı atyndaǵy Qazaq ulttyq ýnıversıtetinde, Óner akademııasynda, Á.Qasteev murajaıyndaǵy kezdesýlerde eńbek ujymdary, jazýshylar men zııaly qaýym aldynda sóz sóılep, Elbasynyń Qazaqstan halqyna Joldaýy men «Máńgilik El» ulttyq ıdeıasynyń basty qundylyqtary týraly aıtyp berdi.

Al senator Dýlat Qusdáýletov Ádilet mınıstrligi Sot aktilerin oryndaý jónindegi komıtetiniń kóshpeli otyrysyna qatysty.

Ol Memleket basshysynyń «Qazaqstan joly - 2050: Bir maqsat, bir múdde, bir bolashaq» Joldaýynyń negizgi erejelerin túsindirip, taıaý onjyldyqtaǵy damý joldary men eńserilýge tıisti mindetter týraly egjeı-tegjeıli aıtyp berdi.

D.Qusdáýletov Joldaýda belgilengen ár mindettiń mańyzdy ekenin jáne Elbasy alǵa qoıǵan maqsatqa elimizdegi barsha halyqtyń kúsh-jigeri arqasynda qol jetkizýge bolatynyn atap ótti.

«Nur Otan» partııasynyń Sybaılas jemqorlyqqa qarsy kúres jónindegi respýblıkalyq keńestiń 2013 jylǵy 31 mamyrdaǵy usynymdarynyń oryndalýyn baqylaý retinde senator qujattyń ár tarmaǵy boıynsha esepti tyńdady.