Senatorlar dıplomatııalyq qyzmet týraly zań jobasyn qarady
NUR-SULTAN. QazAqparat - Búgin Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy boldy. Onda depýtattar «Qazaqstan Respýblıkasynyń dıplomatııalyq qyzmeti týraly «Qazaqstan Respýblıkasynyń Zańyna ózgerister men tolyqtyrýlar engizý týraly« zań jobasyn talqylady, dep habarlaıdy joǵary palatanyń baspasóz qyzmeti.
Zań jobasy dıplomatııalyq qyzmet organdarynyń qyzmetin odan ári jetildirýge, qoldanystaǵy normatıvtik quqyqtyq aktilerdegi olqylyqtar men kollızııalardy joıýǵa, Almaty qalasyndaǵy Syrtqy ister mınıstrligi ókildiginiń zańdy mártebesin bekitýge, sondaı-aq dıplomatııalyq qyzmet personaly men ardagerleriniń áleýmettik qorǵalýyn arttyrýǵa baǵyttalǵan.
Komıtet tóraǵasy Muhtar Qul-Muhammedtiń aıtýynsha, zań jobasyn talqylaý barysynda Senat depýtattary Májilis maquldaǵan zań jobasyna qosymsha túzetýler engizý usynyp otyr. Máselen, senatorlar dıplomatııa salasy qyzmetkerleriniń jeke paıdalanýyna arnalǵan zattar men tehnıkany jiberý úshin dıplomatııalyq poshtany paıdalaný múmkindigin boldyrmaý qajet dep sanaıdy. Depýtattar sondaı-aq quqyqtyq olqylyqtardy retteýdi qamtamasyz etetin birqatar erejelerdi naqtylady.
Qujat Palatanyń qaraýyna jiberildi.
