Senatorlar desanttyq-shabýyldaýshy brıgadanyń áskerı qyzmetshileri jáne jaıaý áskerler basshylyǵymen kezdesti (FOTO)

ASTANA. QazAqparat - 4 qarashada Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń músheleri №68665 áskerı bóliminde desanttyq-shabýyldaýshy brıgadanyń áskerı qyzmetshilerimen jáne elimizdiń Qorǵanys mınıstrligi jaıaý áskeriniń basshylyǵymen kezdesti.

Kezdesý aldaǵy Qazaqstan Respýblıkasynyń Tuńǵysh Prezıdenti kúnine baılanysty Qazaqstan Respýblıkasy Qorǵanys mınıstrliginiń áskerı bólimderinde ótetin áskerı-patrıottyq sharalardyń bastaýy boldy.

Senat komıtetiniń tóraǵasy Ikram Adyrbekov salystyrmaly túrde alǵanda jaqynda paıda bolǵan bul merekeni jurtshylyq keńinen qoldaǵanyn jáne árbir qazaqstandyqtyń júregine jol tapqanyn atap ótti.

Kezdesý barysynda depýtattar Qorǵanys mınıstrliginiń bitimgershilik qyzmetin quqyqtyq turǵyda qamtamasyz etý máselelerin talqylady.

Senator M.Altynbaev Parlament qabyldaǵan, bitimgershilik qyzmetine ulttyq kontıgenttiń qatysý týraly sheshim qabyldaý jáne qatysýdy aıaqtaý týraly negizdeme tártibi rettelgen «Bitimgershilik qyzmeti týraly» zań týraly egjeı-tegjeıli áńgimeledi. «Zańda ulttyq kontıgentti bitimgershilik operatsııalaryna qatysýyn oqytý jáne oǵan ázirleý kózdelip otyr. Sondaı-aq ulttyq kontıgentti áleýmettik qorǵaý sharalary, onyń quqyqtary, mindetteri men jaýapkershiligi qarastyrylǵan», - dedi M.Altynbaev.