Senatorlar «Búrkit» jasaǵynyń jaýyngerlik daıyndyǵyn kórdi
ALMATY. QazAqparat - Qazaqstan Respýblıkasy Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva bastaǵan senatorlar memleket jáne qoǵam qaýipsizdigin qamtamasyz etý máseleleri boıynsha QR Ulttyq ulanynyń Almaty oblysyndaǵy áskerı qurylymdarynda arnaıy issaparmen bolyp, áskerı bólimshelerdiń tynys-tirshiligimen tanysty.
Bul týraly QazAqparat tilshisi QR Ulttyq ulany «Ońtústik» óńirlik qolbasshylyǵynyń baspasóz qyzmeti basshysy Arman Áýbákirovke silteme jasaı otyryp habarlaıdy.
Kóshpeli keńeste kuramynda Talǵat Musabaev, Darhan Qaletaev syndy depýtattar bar senatorlar Almaty oblysy Zarechnyı kentinde ornalasqan Qazaqstan Respýblıkasy ІІM Arnaıy maqsattaǵy bólimsheleriniń jaýyngerlik jáne ádistemelik daıyndyǵyna arnalǵan ortalyqtyń jumysymen tanysty.
Kezdesý barysynda Qazaqstan RespýlıkasyUlttyq ulany Bas qolbasshysy general-leıtenant Rýslan Fatıhuly Jaqsylyqov depýtattardy arnaıy maqsattaǵy bólimshelerdiń daıyndyǵymen, sondaı-aq olardyń sheberligin pysyqtaıtyn Ortalyq jumysymen jáne onyń josparymen tanystyrady.
Senatorlar óńirdegi qorǵanys júıesin jetildirý men kúsh-qýat organdarynyń áleýetin arttyrý baǵyttaryn talqylady.
Іssapar barysynda senatorlardyń nazaryna tehnıkanyń, qarý-jaraq pen qorǵaý quraldarynyń jańa úlgileri, sondaı-aq asa jaýapty jaýyngerlik-barlaý tapsyrmalaryn oryndaýǵa mindettelgen «Búrkit» arnaıy maqsattaǵy jasaǵynyń jaýyngerlik daıyndyǵyn arttyrýdaǵy jańa zamanaýı ádis-tásilder kórsetildi.
Aıta keteıik, 2016 jyly 29 sáýirde Almaty oblysy Zarechnyı kentinde Elbasy, Qarýly Kúshterdiń Joǵarǵy Bas Qolbasshysy Nursultan Nazarbaevtyń qatysýymen Qazaqstan Respýblıkasy Іshki ister mınıstrliginiń arnaıy maqsattaǵy bólimsheleriniń jaýyngerlik jáne ádistemelik daıyndyǵyna arnalǵan Ortalyǵy saltanaty túrde ashylǵan bolatyn.
Munda 500 adamǵa arnalǵan kazarma, 400 orynǵa arnalǵan klýb, zamanaýı tehnologııalyq qural-jabdyqtarmen jabdyqtalǵan 250 oryndyq ashana, 36 páterli jataqhana, medıtsınalyq pýnkt, 2qabatty sport kesheni, sport alańdary, saptyq alań, kınologııalyq qalashyq, avtotehnıka parki, monsha-jýý kombınaty, jylytý qazandyǵy, taýar-materıaldyq qundylyqty saqtaýǵa arnalǵan qoımalar, ishki qaraýyl ǵımaraty jáne baqylaý-ótkizý pýnkti bar.
