Senatorlar bir kúndik jalaqysyn koronavırýspen kúres sharalaryna aýdarady

NUR-SULTAN. QazAqparat – Parlament Senatynyń depýtattary bir kúndik jalaqysyn koronavırýspen kúres jónindegi qorǵa aýdarady, dep habarlaıdy QazAqparat tilshisi.

Búgin palatanyń jalpy otyrysynda Senat tóraǵasy Darıǵa Nazarbaeva tıisti usynysty jasady.

«Senat depýtattary men apparat qyzmetkerleriniń bir kúndik jalaqysyn vırýspen kúres jónindegi qorǵa aýdarý týraly usynys jasaldy. Qarsylyq joq pa? Eger de kóbirek somany aýdarýǵa nıet bildirgender bolsa, bul qadam quptarlyq jaǵdaı. Qoldaısyzdar ma?», - dedi D. Nazarbaeva.

Óz kezeginde barlyq senatorlar atalǵan usynysqa biraýyzdan qoldaý bildirdi.