Senatorlar «Azamattarǵa arnalǵan Úkimet» korporatsııasynyń jumysymen tanysty
ASTANA. QazAqparat - Búgin Parlament Senaty Ekonomıkalyq saıasat, ınnovatsııalyq damý jáne kásipkerlik komıteti «100 naqty qadam» Ult jospary aıasynda «Azamattarǵa arnalǵan Úkimet» memlekettik korporatsııasynyń nysandaryn aralap, kóshpeli otyrys ótkizdi.
Senatorlar birinshi kezekte Aqmola oblysy boıynsha Tselınograd aýdandyq Halyqqa qyzmet kórsetý departamentiniń №1 aýdandyq bóliminde boldy. Odan keıin Astana qalasyndaǵy jer kadastry jáne jyljymaıtyn múlikterdi tehnıkalyq tekserý departamentiniń dırektory E.Tashpenbetov osy mekemeniń jumysymen depýtattardy tanystyrdy.
Senat depýtattary Astana qalalyq «Áleýmettik tólemderdi vedomstvoaralyq esepteý ortalyǵy» dırektsııasynyń qarsy jáne bek-keńselerinde boldy. Onyń jumysymen osy dırektsııanyń dırektory B.Júnisov habardar etti.
Kóshpeli otyrys kezinde Senattyń Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy A.Beısenbaev esep beretin Úkimetti qalyptastyrý aıasynda «bir tereze» qaǵıdasy boıynsha jeke jáne zańdy tulǵalarǵa memlekettik qyzmet kórsetýler salasyndaǵy«Azamattarǵa arnalǵan Úkimet» korporatsııasy qyzmetiniń mańyzy zor ekenin atap ótti.
Shara barysynda aqparat jáne kommýnıkatsııalar mınıstri D.Abaev, ulttyq ekonomıka mınıstriniń orynbasary A.Jumaǵulov jáne «Azamattarǵa arnalǵan Úkimet» kommertsııalyq emes aktsıonerlik qoǵamy basqarmasynyń tóraǵasy A.Ospanov uıymnyń keleshegi men ózekti máseleleri týraly baıandama jasady.
Senat komıtetiniń tóraǵasy A.Beısenbaev otyrysty qorytyndylady. Ol korporatsııa qyzmetiniń tıimdi jaqtaryn atap ótip, túrli anyqtamalar men qujattar alý baǵytynda ákimshilik kedergiler men merzimin qysqartýǵa qatysty birqatar usynystar aıtty.
