Senatorlar Astanada senbilikke shyqty
ASTANA. QazAqparat - Búgin Senat depýtattary men Palata Apparatynyń qyzmetkerleri dástúrli jalpy qalalyq senbilikke qatysty.
Senatorlar elordany kórkeıtýge zor yqylaspen atsalysty. «Halyq jasap jatqan jumys esh ýaqytta qıyn bolmaıdy, - dedi Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı. - Elmen birge istegen jumystyń ıgiligi de mol, balalarǵa, bolashaqqa úlken ónege bolyp tabylady. Otanymyzǵa, elordaǵa degen qurmetimiz osyndaı».
Áleýmettik-mádenı damý jáne ǵylym komıtetiniń tóraǵasy Birǵanym Áıtimova Astana - Elbasynyń qalasy ekenin jáne árbir otandasymyz qaladaǵy senbilikke yqylaspen qatysatynyn atap ótti. «Bul paıdaly ári qajetti jumys, biz elordany damytýǵa, ony jasyl jelekke bóleýge basa nazar aýdaryp otyrǵan Memleket basshysyn qoldaýǵa bar kúsh-jigerimizdi arnaımyz», - dedi B.Áıtimova.
Shara barysynda Astananyń sol jaq jaǵalaýyndaǵy Jánibek jáne Kereı handary kóshesine júzden astam terek pen qaraǵaı kóshetteri otyrǵyzyldy.
