Senatorlar áskerı qyzmet ótkerý máselelerin retteıtin zań jobasyn qarady

NUR-SULTAN. QazAqparat - Senator Muhtar Qul-Muhammedtiń tóraǵalyǵymen Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy ótti, dep habarlaıdy QazAqparat joǵary palatanyń baspasóz qyzmetine silteme jasap.

Komıtet otyrysynda depýtattar «Qazaqstan Respýblıkasynyń keıbir zańnamalyq aktilerine áskerı qyzmet jáne arnaýly memlekettik organdar qyzmetkerleri men áskerı qyzmetshilerdiń turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasyn qarady.

Senator Sergeı Ershov osy Zań jobasynyń jańalyqtary týraly aıtty. Ol arnaıy memlekettik organdar qyzmetkerleri men áskerı qyzmetshiler turyp jatqan qyzmettik turǵyn úıdi óteýsiz jekeshelendirýge múmkindik beretin túzetýlerge nazar aýdardy.

Sondaı-aq áskerı qyzmet pen arnaıy memlekettik organdarda qyzmet ótkerýdiń jekelegen máseleleri reglamentteletin bolady.

Talqylaý qorytyndysy boıynsha zań jobasyn Palatanyń qaraýyna jiberý týraly sheshim qabyldandy.