Senatorlar Ashat Nusqabaıdyń qaıtys bolýyna baılanysty kóńil aıtty

NUR-SULTAN. QazAqparat - Senat tóraǵasy Máýlen Áshimbaev óziniń jáne Senat depýtattarynyń atynan TMD Parlamentaralyq Assambleıasy Keńesi Bas hatshysynyń orynbasary – Qazaqstan Respýblıkasy Parlamentiniń ýákiletti ókili Ashat Nusqabaıdyń mezgilsiz qaıtys bolýyna baılanysty onyń týǵan-týystary men jaqyndaryna kóńil aıtty.

Senat spıkeri kóńil aıtý jedelhatynda dıplomat ári memleket qaıratkeriniń eren eńbegin atap ótti.

«Ashat Jarylqasynuly Nusqabaı uzaq ýaqyt Syrtqy ister mınıstrliginiń júıesinde jumys istedi. Ol bizdiń elimizdiń konsýldyq qyzmetin damytýǵa eleýli úles qosty. Onyń parlamentaralyq yntymaqtastyqty nyǵaıtý jónindegi jumysy joǵary baǵaǵa laıyq», - delingen jedelhatta.

Eske sala keteıik, biz buǵan deıin dıplomat Ashat Nusqabaıdyń ómirden ótkenin jazǵan bolatynbyz.