Senatorlar Arys turǵyndarymen kezdesti

NUR-SULTAN. QazAqparat – Senat depýtattary Álı Bektaev pen Álimjan Qurtaev Túrkistan oblysyna jumys sapary barysynda Arys qalasynyń turǵyndarymen kezdesti. Bul týraly QazAqparat Senattyń baspasóz qyzmetine sileme jasap habarlaıdy.

Depýtattar ár turǵynyna 100 myń teńgeden berý boıynsha jumys barysyn, qıraǵan úılerdi qalpyna keltirý jumystarymen tanysty. Sapar barysynda shahardaǵy jańa stadıondy qaıta retke keltirý máselesi de kóterildi.

Depýtattar oblystaǵy aýyl sharýashylyǵy salasyn damytýǵa erekshe kóńil bóldi. Ordabasy men Túlkibas aýdandaryna barǵanda sýbsıdııalaý, aýyl sharýashylyǵyna nesıe bólý, mal ónimderiniń baǵasyn túsirý sııaqty mańyzdy máseleler kóterildi.

Saıram aýdanynyń turǵyndarymen ótken kezdesýde muǵalimder mártebesin kóterý, komýnaldyq tólemder quny, áleýmettik medıtsınalyq saqtandyr týraly sóz boldy.

Sondaı-aq, Parlament Senatynyń depýtaty Aıgúl Qapbarova Shymkenttegi jumys sapary aıasynda ataýly áleýmettik kómek arqyly úıinen tigin tsehin ashyp, ony dóńgeletip otyrǵan Tillágúl Qarsybaevanyń shańyraǵynda boldy.

«Kúmis alqa» ıegeri Tillágúl Tasbolatqyzy senatorǵa qalaı shaǵyn kásipke kelgenin áńgimeledi. Memleketten berilgen qarajatqa tigin mashınalaryn satyp alyp, jumysyn bastaǵan.

Kezdesý barysynda A.Jarylqasynqyzy memlekettik qoldaý sharalarynyń aıasynda kóp balaly otbasylar jańa múmkindikterge ıe bolatynyn aıtyp ótti.

Jalpy Shymkent qalasynda ataýly áleýmettik kómekti alýǵa 68 myń otbasy qujat tapsyryp, onyń 40 myńǵa jýyǵyna áleýmettik kómek taǵaıyndalǵan.