Senatorlar áriptesi Iran Ámirovti bir mınýt únsizdikpen eske aldy
ASTANA. QazAqparat - Búgin Parlament Senatynyń jalpy otyrysynda palata Spıkeri Qasym-Jomart Toqaev depýtat Iran Ámirovtiń mezgilsiz qaıtys bolǵanyna kóńil aıtyp, áriptesteri senatordy bir mınýt únsizdikpen eske aldy.
«Áriptesimiz Senat depýtaty Ámirov Iran Ámiruly mezgilsiz qaıtys boldy. Iran Ámiruly kásibı zańger, senator retinde bizdiń ujymymyzda belsendi, tıimdi jumys istedi. Senattyń ǵana emes, jalpy Parlamenttiń qyzmetine eleýli úles qosty. Ol memlekettik qyzmetke ábden berilgen edi. Iran Ámirulynyń esimi bizdiń jadymyzda máńgi saqtalady», - degen spıker Qasym-Jomart Toqaev senator Ámirov Iran Ámirulyn mınýttyq únsizdikpen eske alýdy usyndy.
Eske sala keteıik, Iran Ámirov 1944 jyly 15 qyrkúıekte Qyzylorda oblysy Jalaǵash aýdanynda Qaraketken stansasynda týǵan. Uzaq jyldar boıy elimizdiń sot salasynda qyzmet etti. 2004 jyldan beri - QR Parlamenti Senatynyń depýtaty bolǵan edi.
