Senatorlar altyn óndiretin zaýyttyń jumysymen tanysty
NUR-SULTAN. QazAqparat - Senattyń Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy Serik Jaqsybekov bastaǵan bir top senatorlar Senat Tóraǵasy D.Nazarbaevanyń tapsyrmasy boıynsha «Taý-Ken Altyn» JShS affınaj zaýytynyń qyzmetimen tanysty. Bul jóninde Senattyń baspasóz qyzmetine silteme jasap QazAqparat habarlaıdy.
Affınaj zaýyty qurylysynyń jobasy Qazaqstan Respýblıkasy Úkimetiniń qaýlysyna sáıkes 2010-2014 jyldarǵa arnalǵan Respýblıkalyq ındýstrııalandyrý kartasyna engizilgen bolatyn. Joba Tuńǵysh Prezıdent – Elbasy N.Á.Nazarbaevtyń tapsyrmasyna sáıkes júzege asty.
Zaýyt tehnologııasy TMD aýmaǵynda balamasy joq ári jylyna 25 tonna altyn men 50 tonna kúmis óndiretin álemniń ozyq óndirýshilerinen kem túspeıtin asyl metaldardy basqa metaldardyń qospasynan aıyrýdyń halyqaralyq ınnovatsııalyq ádistemesine sáıkes ázirlendi.
Zaýyttyń elordada ornalasqanyn eskere otyryp, affınaj tehnologııasyn tańdaý kezinde paıdalanylatyn úderisterdiń tazalyǵyna mán berý negizgi ólshemderdiń biri boldy. Osyǵan sáıkes, tehnologııalyq úderiste paıdalanylatyn jabdyqpen úılestirýde asyl metaldardy qospalardan aıyrýdyń elektrohımııalyq ádisi tehnologııasy tańdaldy jáne ekologııalyq qaýipsizdik pen óndiriletin ónimniń sapasy 100 % qamtamasyz etiledi.
Senatorlar halyqaralyq yntymaqtastyq, ónimdi satyp alý jáne ony qaıta satý máselelerine qatysty saýal qoıdy.
Kompanııa basshylyǵy óndiriletin ónimdi satýǵa baılanysty qıyndyqtar bar ekenin alǵa tartty.
