Senatorlar «Altyn adam» súıegin jerleý máselesin kóterdi
«Osy depýtattyq saýalǵa sebep bolyp turǵan Táýelsiz Qazaqstannyń ulttyq sımvoldarynyń biri - «Altyn adam». 1970 jyly tabylǵan jádiger álemdik tarıhı mańyzy bar qundylyq retinde ıÝNESKO-nyń tizimine alynǵan bolatyn. Kezinde saq hanzadasynyń altyn kıimderi, ózge de altyndar men tarıhı qundylyǵy bar buıymdary alynyp, súıeginiń osy kúnge deıin jer qoınyna berilmeı kele jatqandyǵy jurtshylyqtyń alańdatýshylyǵyn týdyra bastaǵandaı. Ýaqyt ótken saıyn qańqa súıektiń úgitilip, búlinip bara jatqandyǵyn eskere otyryp, «Altyn adamnyń» súıegin jer qoınyna tapsyratyn kez kelgendigin mamandar men ǵalymdar da, el zııalylary da oryndy kóterip otyr dep sanaımyz. Sondyqtan aldaǵy ýaqytta «Altyn adamnyń» súıegin úkimettik deńgeıde búkil el bolyp qurmettep jer qoınyna berýdi jan-jaqty oılastyrý qajet», - dedi senator Ańsar Musahanov.
Onyń paıymynsha, Qazaqstannyń kıeli jerleri atty aýqymdy joba boıynsha mýzeılendirilgen qorǵan aınalasyn qazirden bastap abattandyryp, keshendi jumystar júrgizilse - bolashaqta atalmysh qoryq elimizdiń týrıstik áleýetin kóteretin oryndardyń biri bolýy sózsiz.
«Altyn adamnyń» súıegin jer qoınyna berý, Esik qorǵanynyń áleýetin álemdik deńgeıge kóterý sııaqty óte aýqymdy ári mańyzdy isti bir aýdannyń nemese bir oblystyń kóleminde sheshý múmkin emes. Osyǵan oraı atalǵan máselege Úkimet deńgeıinde nazar aýdarylyp, oń sheshim qabyldanýyn suraımyz», - dep túıdi senator.
