Senatorlar Almaty oblysy men Shymkent qalasyna bardy
Senatorǵa Almaty men Qonaev qalalarynyń arasyndaǵy, Almaty-Óskemen respýblıkalyq avtomagıstraliniń boıynda ornalasqan G4 qazirgi zamanǵy qurylymdaǵy kirikken tórt aqyldy qala ekeni aıtyldy. Bul ekonomıkalyq aımaq qarjy, bıznes, mádenı jáne sáýlet ortalyǵyna aınalady. Jańa óndiristik nysandar, zaýyttar men bıznes nysandar salynady.
Senator Zakırjan Kýzıev sonymen qatar «Dostyq» úıinde Qazaqstan halqy Assambleıasynyń múshelerimen, «Qoǵamdyq kelisim» qalalyq ınstıtýtynyń ókilderimen jáne etnomádenı ortalyqtardyń basshylarymen de kezdesti.
«Men senator bolyp 120 kún jumys istedim. Zań shyǵarýshy organnyń ókili retinde áleýmettik máseleden tys etnomádenı ortalyqtar men túrli etnostar týraly máseleni jıi qoıýǵa májbúrmin. Bıyl biz mektepterde oqýlyqtar men ádistemelik quraldardyń jetispeıtini týraly máseleni kóterdik. Sondaı-aq jergilikti qoǵamdyq tatýlasý ınstıtýttarynda jumys isteıtin mamandardyń jalaqysyn arttyrý da depýtattardyń baqylaýynda tur. Qazir olar aıyna 80-90 myń teńge alady. Biz salalyq mekemelerge usynystar jiberdik. Qazir bul másele Eńbek jáne halyqty áleýmettik qorǵaý mınıstrliginiń qaraýynda jatyr», - dedi depýtat Zakırjan Kýzıev.
Kezdesýge qatysýshylar Qazaqstan halqy Assambleıasynyń odan ári jumysy týraly pikir almasty.
Parlament Senatynyń depýtattary Nurlan Beknazarov pen Aıgúl Qapbarova Shymkent qalalyq máslıhat depýtattarymen jáne qoǵamdyq keńes múshelerimen kezdesti.
Senatorlar elimizdiń Prezıdenti belgilegen memlekettiń negizgi basymdyqtary jáne VIII shaqyrylymnyń birinshi sessııasynda qaralǵan zańdardyń basty erejeleri týraly aıtyp berdi.
«Óńirlerdiń damýyna járdemdesý – bizdiń Palata jumysynyń mańyzdy baǵyty bolyp tabylady. Sondyqtan Senatta Jergilikti ókildi organdarmen ózara is-qımyl jónindegi keńes jáne jergilikti máslıhattarmen tyǵyz jumys isteıtin «Óńir» depýtattyq toby qurylǵan bolatyn. Bul jıyndarda óńirlerdi damytý máseleleri talqylanady, usynystar men problemalardy sheshýdiń júıeli joldary ázirlenedi», - dedi senator Nurlan Beknazarov.
Qalalyq máslıhat depýtattary men qoǵamdyq belsendiler kezdesý barysynda áleýmettik tólemderdiń mólsheri men tártibine, qala aýmaǵyndaǵy ınfraqurylymdy damytýǵa, gaz jetkizýge, jańa jumys oryndaryn ashýǵa, ishki naryqty qorǵaýǵa, káriz júıelerin tazartýǵa qarjy bólýge jáne t.b. mańyzdy máselelerge qatysty suraqtar qoıdy.
«Qoǵamdyq keńesterdiń qyzmeti bılik pen qoǵam arasyndaǵy suranysqa ıe jáne mańyzdy baılanystyń túri ári memlekettik deńgeıdegi sheshimniń qabyldanýyn baqylaýǵa múmkindik beretin azamattardyń qolyndaǵy tıimdi qural bolyp tabylady. Oǵan «halyq únine qulaq asatyn memleket» tujyrymdamasynyń engizilýi jáne qoǵamdyq keńesterdiń táýelsizdigi men derbestigi zańnamalyq túrde qamtamasyz etilgeni yqpal etip otyr. Qoǵamdyq keńestiń búgingi tańdaǵy qyzmeti azamattardy tolǵandyratyn máselelerdi sheshýde aýqymdy jumys atqarylǵanyn kórsetedi. Onda qoǵamdyq keńes bılik pen azamattyq qoǵam arasyndaǵy baılanystyrýshy býyn retinde áreket etedi, sol arqyly qoǵam men bıliktiń tıimdi dıalogy qalyptasyp otyr», - dep atap ótti Aıgúl Qapbarova.
Depýtattar kezdesýlerde kóterilgen máselelerdi baqylaýda ustaıtynyn jáne Úkimetpen birlesip olardy sheshý joldaryn ázirleıtinin atap ótti.
