Senatorlar aeronavıgatsııa júıesin damytý máselesin talqylady

ASTANA. KAZINFORM — Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń depýtattary Qazaeronavıgatsııada bolyp, ushaqtardyń áýe jáne jerdegi qozǵalysynyń qaýipsizdigin qamtamasyz etý, sondaı-aq kásiporynnyń halyqaralyq qyzmeti týraly máselelerdi talqylady. Bul týraly Senattyń baspasóz qyzmeti habarlady. 

Senatorlar Astana qalasynyń Áýe qozǵalysyn uıymdastyrý ortalyǵynyń, Bas josparlaý ortalyǵy jáne ushý qaýipsizdigin qamtamasyz etetin nysandardyń jumysymen tanysty. Parlamentshilerge áýe qozǵalysyn basqarý isi jáne naqty ýaqyt kezinde ushý monıtorınginiń qalaı júrgiziletini kórsetildi.

Senator Bıbıgúl Jeksenbaı halyqaralyq baılanystardy nyǵaıtýda jáne eldiń tranzıttik áleýetin damytýdaǵy ulttyq aeronavıgatsııa júıesiniń róli mańyzdy ekenin atap ótti.

— Ulttyq aeronavıgatsııa júıesi ushýdyń qaýipsizdigi men tıimdiligin qamtamasyz etip qana qoımaı, sonymen qatar Qazaqstannyń halyqaralyq baılanystardy, tranzıttik dálizderdi damytýǵa jáne jahandyq kólik jelisine ıntegratsııalanýǵa baǵyttalǵan syrtqy saıası baǵytyn iske asyrýǵa zor úles qosady, — dedi Bıbıgúl Jeksenbaı.

«Qazaeronavıgatsııa» RMK ókili kásiporynnyń aeronavıgatsııa qyzmeti ulttyq provaıder fýnktsııasyn oryndaıtynyn atap ótti. Qazaqstannyń aeronavıgatsııa júıesi Halyqaralyq azamattyq avıatsııa uıymynyń standarttaryna sáıkestik deńgeıi 93,94%, bul álemdik ortasha kórsetkishten 27%-ǵa joǵary.

Parlamentshiler ózekti mindetterdi sheshýge, onyń ishinde zańnamany jetildirýge jáne ushý qaýipsizdigi deńgeıin arttyrýǵa, sondaı-aq elimizdiń áýe keńistigin sheteldik avıakompanııalarǵa tartymdy etýge baǵyttalǵan baǵdarlamalardy damytýǵa járdemdesýge daıyn ekendikterin bildirdi. 

Aıta ketelik Qazaqstannyń avıatsııalyq qaýipsizdik boıynsha IKAO standartyna sáıkestigi 95,7%-ǵa jetti.