Senatorlar ádilsot ınstıtýtynyń oqytýshylary jáne stýdentterimen kezdecti
A. Jeltoqsannyń 21-i. QazAqparat /Qanat Mámetqazyuly/ - Búgin QR Parlamenti Cenatynyń depýtattary QR Prezıdenti janyndaǵy Memlekettik basqarý akademııasynyń ádilsot ınstıtýty oqytýshylar quramymen jáne dáris alýshylarmen kezdesti,
dep habarlaıdy QazAqparat.
Kezdesý barysynda ádilsot organdarynyń kadrlyq quramyn jetildirý máseleleri talqylandy. «Búgingi kúni sot júıesiniń kadrlyq qamtamasyz etilýi eń ózekti máselelerdiń biri bolyp tabylady. Memleket basshysynyń tapsyrmasyna sáıkes, Joǵarǵy sot keńesi sot mamandyǵy boıynsha kandıdattarǵa qoıylatyn talaptardy kúsheıte túsetin bolady. Sondaı-aq, Elbasy sýdıalardyń 5-shi sezinde sóılegen sózinde búgingi sot mamandarynyń kásibı biliktiligin udaıy arttyryp otyrýdyń qajettigin atap ótken bolatyn. Aǵymdaǵy jyly túrli deńgeıdegi sottardyń sýdıasy qyzmeti boıynsha 205 bos jumys oryny úshin úmitkerler arasynda konkýrstar ótkizildi. Bul konkýrsqa 1,5 myńnan astam azamat qatysyp, solardyń arasynan eń ozyqtary iriktelip alyndy», dedi jıyn barysynda sóz sóılegen QR Joǵarǵy sot keńesiniń tóraǵasy Ońalsyn Jumabekov.
Onyń aıtýynsha, sýdıalar qyzmetine kandıdattar máselesi qaralǵanda, Memlekettik qyzmet akademııasynyń ádilsot ınstıtýty túlekterine basymdyq beriletin bolady. Al atalmysh ınstıtýttyń mindeti sot júıesi úshin joǵary bilikti kadrlar daıarlaý bolyp tabylady.
Pikir almasý formatynda ótken kezdesý barysynda Parlament Senatynyń depýtattary, Joǵarǵy sot keńesi músheleri biliktilikti arttyrý, tájirıbeni shyńdaýǵa qatysty stýdentter saýaldaryna jaýap berip, óz oılaryn ortaǵa saldy.
