Senatorlar adam saýdasy men terrorızmdi qarjylandyrýǵa qarsy zańdardy qaraıdy
ASTANA. KAZINFORM – Senat tóraǵasy Máýlen Áshimbaev Palata bıýrosynyń otyrysyn ótkizdi. Onda depýtattar 27 maýsym kúni ótetin Senat otyrysynyń kún tártibin bekitti.
Senatorlar aldaǵy beısenbide «Adam saýdasyna qarsy is-qımyl týraly» negizgi zańdy, sondaı-aq, oǵan ilespe «Qazaqstan Respýblıkasynyń keıbir zańnamalyq aktilerine adam saýdasyna, vandalızm kórinisine jáne bótenniń múlkin búldirýge qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine adam saýdasyna, vandalızm kórinisine jáne bótenniń múlkin búldirýge qarsy is-qımyl máseleleri boıynsha ózgerister men tolyqtyrýlar engizý týraly» zańdardy qaraıdy. Atalǵan zańdardyń normalary adam saýdasyna baılanysty qylmystardyń jańa sanatyn engizýdi jáne adamdardy jynystyq sıpattaǵy qyzmetter kórsetýge, onyń ishinde kámeletke tolmaǵan adamdardy tartqany, sondaı-aq, jeńgetaılyqpen aınalysqany úshin jaýapkershilikti arttyrýdy kózdeıdi.
Sonymen qatar medıtsınalyq uıymdardyń jáne bala quqyqtaryn qorǵaý jónindegi fýnktsııalardy júzege asyratyn uıymdardyń laýazymdy tulǵalary jańa týǵan náresteni tastap ketý, jetim balalar men ata-anasynyń qamqorlyǵynsyz qalǵan balalardyń kelip túsýi men jetkizilýi týraly derekterdi habarlamaǵany úshin ákimshilik jaýaptylyq engizý qarastyrylyp otyr. Vandalızmniń áreketine jáne bótenniń múlkin búldirýge qarsy is-qımyl jóninde de túzetýler engiziledi.
Elektromobılderge qatysty máselelerge arnalǵan «Qazaqstan Respýblıkasynyń keıbir zańnamalyq aktilerine kólik jáne elektrmobılderge arnalǵan ınfraqurylymdy damytý máseleleri boıynsha ózgerister men tolyqtyrýlar engizý týraly» zań da Palatanyń aldaǵy otyrysynda qaralady. Al, «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zańda elektromobılderdi uıymdastyrý jáne paıdalaný erejelerin buzǵany úshin ákimshilik jaýapkershilik sharalary anyqtalady. Onyń ishinde elektroqýattaý stansalaryn paıdalaný erejeleri de bar.
«Qazaqstan Respýblıkasynyń keıbir zańnamalyq aktilerine memlekettik baqylaý men statıstıka, halyqty qorǵaý júıesin jetildirý, derekterdi basqarý, zańdy tulǵalardy tirkeý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zań da Senat otyrysynyń kún tártibine shyǵaryldy. Atalǵan zań aıasynda 5 Kodekske jáne 36 zańǵa ózgerister men tolyqtyrýlar engizý kózdelip otyr. Bul rette Áleýmettik kodekske halyqtyń áleýmettik osal sanattarynyń quqyqtary jónindegi ýákil mártebesin jáne onyń quzyretterin bekitý bóliginde túzetýler engizilmek.
Depýtattar bastamashy bolǵan «Qazaqstan Respýblıkasynyń keıbir zańnamalyq aktilerine ekonomıkalyq quqyq buzýshylyqtar-dyń jekelegen túrlerin qylmystyq sıpattan aryltý jáne QR zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly zańnamasyn jetildirý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zańdardyń mańyzdy mindeti shaǵyn jáne orta bıznesti qoldaý jáne kásipkerlerdi qylmystyq qýdalaýǵa negizsiz tartýǵa qarsy áreket etý ekenin atap ótken jón. Bul zańdardyń normalaryna sáıkes salyq qylmystary salasyndaǵy isterdi tirkeý úshin birqatar erekshelik qarastyrylǵan.
Memleket basshysynyń halyq arasynda oıynǵa táýeldilikpen kúresti kúsheıtý jónindegi tapsyrmasyn iske asyrý úshin depýtattar «Qazaqstan Respýblıkasynyń keıbir zańnamalyq aktilerine oıyn bıznesi, lotereıa qyzmeti, densaýlyq saqtaý, memlekettik eńbek ınspektsııasy, memlekettik baqylaý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zańǵa bastamashy boldy. Zań normalaryna sáıkes qumar oıyndarǵa jáne bás tigýge qatysýǵa shektelgen adamdardyń tizimin anyqtaý, ondaı azamattardy medıtsınalyq ońaltý tártibin belgileý sııaqty birqatar naqty shara usynylyp otyr. Buǵan ilespe «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań oıyn bıznesi salasyn retteýdiń normatıvtik negizin jandandyrýǵa jol ashady.
Sondaı-aq «Jylý energetıkasy týraly», «Qazaqstan Respýblıkasynyń keıbir zańnamalyq aktilerine jylý energetıkasy, elektr energetıkasy jáne rettelip kórsetiletin qyzmetter máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zańdar da Senat otyrysynyń kún tártibine shyǵaryldy. Jańa normalardyń qatarynda jylý energetıkasy salasyndaǵy zańnamany buzǵany úshin jaýapkershilikti kúsheıtý, búkil salaǵa monıtorıng júrgizý, tarıf belgileý qaǵıdattaryn aıqyndaý jáne energııa tıimdiligin arttyrý sııaqty basymdyqtar bar. Odan bólek, ortalyqtandyrylǵan jylýmen jabdyqtaý júıesine ekonomıkalyq jáne tehnıkalyq oryndylyq jaǵdaıynda jańartylatyn energııa kózderin engizýdi damytýǵa yntalandyrý sııaqty mindetter de qarastyrylǵan.
Aldaǵy beısenbide qaralatyn kelesi «Qazaqstan Respýblıkasynyń keıbir zańnamalyq aktilerine minis jáne minis-jegin jylqylardyń otandyq tuqymdaryn saqtaý jáne ósimin molaıtý máseleleri boıynsha ózgerister men tolyqtyrý engizý týraly» zańnyń normalary memlekettik qoldaý kórsetý arqyly jylqylardyń otandyq tuqymyn saqtaýǵa jáne olardyń asyl tuqymdyq qasıetterin jaqsartýǵa baǵyttalǵan.
Palata otyrysynda «Qazaqstan Respýblıkasynyń keıbir zańnamalyq aktilerine erekshe qorǵalatyn tabıǵı aýmaqtar jáne elektr energetıkasy máseleleri boıynsha ózgerister men tolyqtyrýlar engizý týraly» jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) ózgerister engizý týraly» zańdar da qaralady. Olar salany jetildirý máselelerin qamtıdy.
Sonymen birge birqatar halyqaralyq kelisimdi ratıfıkatsııalaý týraly máseleler de Palata otyrysynyń kún tártibine shyǵaryldy. Olar – «Qazaqstan Respýblıkasynyń men Sıngapýr Respýblıkasy arasyndaǵy kórsetiletin qyzmetter saýdasy jáne ınvestıtsııalar týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Birikken Ulttar Uıymynyń arasyndaǵy tsıfrlyq ınklıýzııa jáne transformatsııa jónindegi Azııa-Tynyq muhıty mınıstrlik konferentsııa-syn uıymdastyrý týraly kelisimdi ratıfıkatsııalaý týraly» zańdar.
Sondaı-aq Bıýro otyrysynda Májilisten kelip túsken zańdar jumys úshin turaqty Komıtetterge bólinip berildi.
