Senatorlar 8 zań jobasyn ázirlemek
Senatorlar «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» zań jobasyn qaraıdy. Zań jobasy zańdardyń sapasyn arttyrýǵa, norma shyǵarý protsesin tsıfrlandyrýǵa jáne oǵan jurtshylyqty keńinen tartýǵa baǵyttalǵan. Máselen, zań jobalaryn ázirleýdiń barlyq satylarynda súıemeldep otyratyn «E-zańnama» elektrondyq júıesin engizý josparlanyp otyr.
Senatorlar otyrysta sonymen qatar «Jer qoınaýy jáne jer qoınaýyn paıdalaný týraly» Qazaqstan Respýblıkasynyń Kodeksine ýran óndirý máseleleri boıynsha ózgerister men tolyqtyrýlar engizý týraly» zań jobasyn da talqyǵa salatyn boldy. Osy qujatqa sáıkes jer qoınaýyn paıdalanýshylar jobalaý qujattaryn daıyndaý kezinde ýran óndirýdiń zardaptaryn joıý jobasyn da ázirleýi tıis. Odan basqa, ýran ken orny qorlary kóleminiń ósýi artqan jaǵdaıda óńirdiń áleýmettik-ekonomıkalyq damýyna qarjy bólýge de mindetti bolady.
Senatorlar osy sessııada ózderiniń bastamasy boıynsha ázirleýdi josparlaǵan 8 zań jobasyn da talqylady.
Atap aıtqanda, depýtattar »Qazaqstan Respýblıkasynyń sot júıesi men sýdıalarynyń mártebesi týraly« Konstıtýtsııalyq zańǵa, Ákimshilik quqyq buzýshylyq týraly kodekske ózgerister men tolyqtyrýlardy jáne sot júıesin jańǵyrtý máseleleri jónindegi basqa da zańnamalyq aktilerdi daıyndaýǵa nıettenip otyr. 1 shildeden bastap Ákimshilik rásimdik-protsestik kodekstiń engizilýine baılanysty ákimshilik ádilet júıesiniń tolyqqandy jumys isteýin qamtamasyz etý jáne memlekettik organdar qatysatyn sot protsesterinde azamattardyń kepildikteri men quqyqtaryn arttyrý osy jumystyń nátıjesi bolýǵa tıis.
Depýtattardyń bastamasy boıynsha ázirlenetin Salyq kodeksine túzetýler bıznestiń jańa sýbektilerine neǵurlym qolaıly bıznes orta men ınvestıtsııalyq ahýaldy qalyptastyrýǵa kómektesetin bolady. Ázirlenetin «Qazaqstan Respýblıkasyndaǵy Adam quqyqtary jónindegi ýákil týraly« zań ombýdsmen mártebesin zańnamalyq retteýdi maqsat etedi.
Senatorlar «Qazaqstan Respýblıkasynyń keıbir zańnamalyq aktilerine qurylys jáne turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasynda sáýlet jáne qala qurylysy salasyndaǵy memlekettik baqylaýdyń tıimdiligin arttyrý, eldi mekenderdi salýdy josparlaý jáne qurylys jobalaryn ázirleý sapasyn arttyrý jónindegi jańa erejelerdi bekitýdi josparlap otyr. Senatorlar ázirlep jatqan «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» zań jobasyndaǵy ózgerister áleýmettik qaýipsizdikti arttyryp, ǵalymdarǵa laıyqty jaǵdaı jasaıtyn bolady. Odan basqa senatorlar Qazaqstan Respýblıkasynyń keıbir zańnamalyq aktilerine organıkalyq ónim óndirý máseleleri boıynsha ózgerister men tolyqtyrýlar engizý týraly« zań jobasyn ázirleıtin boldy. Ol qujat organıkalyq ónim óndirisiniń ulǵaıa túsýin jáne ekologııalyq taza ónim eksportyn qamtamasyz etý úshin ony óndirýshilerdi ekonomıkalyq yntalandyrýǵa baǵyttalǵan.
Senatorlar otyrys barysynda arasynda Májilisten kelip túsken birqatar zań jobalaryn turaqty komıtetterge bólip berdi.
