Senatorlar 6 naýryz kúni ótetin otyrystyń kún tártibin bekitti
ASTANA. KAZINFORM – Senat spıkeri Máýlen Áshimbaevtyń tóraǵalyǵymen Bıýro otyrysy ótti. Onda depýtattar 6 naýryz kúni ótetin palata otyrysynyń kún tártibin bekitti.
Іs-shara barysynda Bıýro músheleri palatanyń aldaǵy otyrysynda «Qazaqstan Respýblıkasy men Qatar Memleketi arasyndaǵy qylmystyq ister boıynsha ózara quqyqtyq kómek týraly kelisimdi ratıfıkatsııalaý týraly» zańdy qaraý týraly sheshim qabyldady. Kelisim aıyptalýshynyń kinásin dáleldeýge baǵyttalǵan protsessýaldyq áreketter júrgizýdi kózdeıdi.
Zańnyń maqsaty – qylmystyq quqyq buzýshylyq jasaǵan adamdardy ekstradıtsııalaýǵa quqyqtyq negiz qalyptastyrý, sondaı-aq, qylmysqa qarsy kúreste halyqaralyq yntymaqtastyqty nyǵaıtý.
Sondaı-aq senatorlar «Qazaqstan Respýblıkasy men Qatar Memleketi arasyndaǵy ustap berý týraly kelisimdi ratıfıkatsııalaý týraly» zańdy qaraıdy. Bul qujat qylmys jasaǵan adamdardy berý tetikterin qalyptastyrýǵa, qylmysqa qarsy kúreste halyqaralyq yntymaqtastyqty kúsheıtýge baǵyttalǵan. Kelisim normalary ekstradıtsııalaý jáne odan bas tartý negizderin, berý sharttary men rásimderin jáne ekstradıtsııalaýdy keıinge qaldyrý nemese belgili bir merzimge berý máselelerin de aıqyndaıdy.
Sonymen qatar Bıýro otyrysynda depýtattar Komıtetterdiń aldaǵy otyrystarynda qaralatyn máselelerdi pysyqtap, Májilisten kelip túsken zańdardy bóldi.
Buǵan deıin Senat tóraǵasy óndiristegi adamdardyń ólimi áli de azaımaı otyrǵanyn aıtqan.