Senatorlar 2021-2023 jyldarǵa arnalǵan respýblıkalyq bıýdjet týraly zańdy qaraıdy
NUR-SULTAN. QazAqparat - Senat spıkeri Máýlen Áshimbaevtyń tóraǵalyǵyq etýimen ótken Palata Bıýrosynyń otyrysynda depýtattar aldaǵy jalpy otyrystyń kún tártibin talqylap, Májilisten kelip túsken zań jobalaryn Komıtetterge bólip berdi, dep habarlaıdy QazAqparat.
Senattyń kezekti otyrysy 2020 jyldyń 19 qarashasynda ótedi. Onyń barysynda senatorlar Májilis maquldaǵan «Qazaqstan Respýblıkasynyń Ulttyq qorynan 2021-2023 jyldarǵa arnalǵan kepildendirilgen transfert týraly» zańynyń jobasyn qaraıdy. Palata otyrysynda «2021-2023 jyldarǵa arnalǵan respýblıkalyq bıýdjet týraly» zań jobasy da qaralady.
Sonymen qatar Bıýroda Májilisten kelip túsken eki zań jobasy Áleýmettik-mádenı damý jáne ǵylym komıtetine berildi. Olar: «Qazaqstan Respýblıkasynyń keıbir zańnamalyq aktilerine aqparat máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine personal berý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly» zań jobalary.
