Senator: JOO-larda sý sharýashylyǵy mamandyqtarynyń granttaryn arttyrý kerek
NUR-SULTAN. QazAqparat – QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń múshesi Qaırat Qojamjarov joǵary oqý oryndarynda sý sharýashylyǵy mamandyqtary men oǵan bólinetin granttardy arttyrýdy usyndy, dep habarlaıdy QazAqparat tilshisi.
«Qazirgi tańda sý sharýashylyǵy jobalyq, qurylys jáne eksplýatatsııalyq jumystardy júrgize alatyn ınjenerlerge qatty muqtaj. Jerasty sýlaryn da barlap, zertteı alatyn gıdrogeologtar tapshy», - dedi Qaırat Qojamjarov sý qaýipsizdigi máselesi talqylanǵan otyrysta.
Senatordyń aıtýyna qaraǵanda, sý sharýashylyǵy salasyndaǵy kadrlardy daıarlaý máselesimen elimizdegi 3 JOO bar-joǵy 3 mamandyq boıynsha aınalysyp jatyr.
«Ótkir qajettilikti eskere otyryp, Bilim jáne ǵylym mınıstrligi joǵary oqý oryndarynda sý sharýashylyǵy mamandyqtary men oǵan bólinetin granttardy arttyrý kerek. Bul jerde «Bolashaq» baǵdarlamasynyń kvotasyn paıdalanǵan abzal», - dedi ol.
Eske sala ketsek, buǵan deıin Qaırat Qojamjarov álemde 68 memleket sý defıtsıtin bastan keshirip otyrǵanyn, sonyń ishinde Qazaqstan da baryn atap ótken edi.
