Senator Jetisýdaǵy kóne mektep-medrese ǵımaratyn qalpyna keltirýdi usyndy

NUR-SULTAN. QazAqparat – Depýtat Baqytjan Jumaǵulov QR Parlament Senatynyń jalpy otyrysynda Jetisýdaǵy «Mamanııa» mektep-medresesin qalpyna keltirý qajettiigi týraly másele kóterdi, dep habarlaıdy QazAqparat tilshisi.

Senator Baqytjan depýtattyq saýalyn QR Premer-mınıstriniń orynbasary Eraly Toǵjanovtyń atyna joldady.

Onyń aıtýynsha, «Mamanııa» - Jetisý óńirindegi alǵashqy bilim berý ortalyqtarynyń biri. Mektep-medrese 1899 jyly ashylǵan, búgingi tańda onyń tek irgetasy ǵana qalǵan. Baqytjan Jumaǵulov osyndaı qundy tarıhı eskertkishti qalpyna keltirý óskeleń urpaqtyń boıynda patrıottyq sezimdi damytý úshin mańyzdy dep sanaıdy.

«Mamanııa mektep medresesin qaıta qalpyna keltirip, memorıaldyq úıge, ári tarıhı etnografııalyq mýzeıge aınaldyrǵan jón. Sonymen qatar, jaqsynyń tuıaǵy bolǵan búkil Maman urpaqtaryna, sol jerden bilimniń nárin alyp, oqyǵan ultymyzdyń uly tulǵalaryna arnalǵan shákirtter alleıasyn jasaýdy usynamyn. Bul rette, Mamanııa mektebin qaıta qalpyna keltirý jastardy patrıotızmge, ulttyq rýhanııatty súıýge yqpal etetin ıgi is bolady dep oılaımyn», - dedi Baqytjan Jumaǵulov.