Senator: Jer qoınaýyn paıdalanýshylar gazdy óńdeýge mán bermeı otyr
Onyń aıtýynsha, iri jer qoınaýyn paıdalanýshylar elimizde qaıta óńdeýdi damytýdy qalys qaldyryp, tek shıkizat eksporty baǵytyn ǵana tańdap otyr. Investıtsııanyń negizgi kólemi de burynǵysha shıkizat óndirýge ǵana arnalyp otyr.
«Іri operatorlardyń gazdy qaıta óńdeý jónindegi jańa jobalardy iske asyrýǵa degen ynta-yqylasy joqtyń qasy. Jyl saıyn qysymdy ustap turý úshin jerasty qabatyna keri aıdalatyn gazdyń kólemi ulǵaıyp barady. 2021 jyldyń qorytyndysy boıynsha onyń kólemi shamamen 39% qurady, al 2030 jylǵa qaraı «QazaqGaz» UK» AQ boljamyna sáıkes 50 paıyzdan asýy múmkin. Bul jaǵdaı basqa da problemalarmen birge kúrdelene túsedi», - dedi ol.
Senator gazdyń mańyzdy strategııalyq shıkizat jáne energııa resýrsy ekenin, sondyqtan ony ishki naryqta qaıta óńdeý máselesin jedel sheshýdiń mańyzdy ekenin aıtty. Ol úshin jumys istep turǵan óndiris qýatyn ulǵaıtyp, jańa gaz óńdeý zaýyttaryn salý qajet.
Jobalardy salý jáne paıdalaný kezeńinde «Teńizshevroıl» JShS kelisimsharttyq aýmaǵynyń jer ýchaskelerine quqyq belgileıtin qujattardy resimdeý múmkindigin ulttyq operatorlarǵa berý maqsatynda qoldanystaǵy zańnamaǵa, atap aıtqanda Jer kodeksine ózgerister men tolyqtyrýlar engizýge bastamashylyq jasaýdy usynamyz. Elimizdiń ishki suranysyn qamtamasyz etýge basymdyq bere otyryp, Teńiz jáne Qarashyǵanaq ken oryndarynda gaz óńdeý zaýyttaryn salý jónindegi jobalardy qarjylandyrý máselesin sheshý kerek. Qazaqstanda polımerlik ónimdi paıdalaný úshin tıisti normatıvtik baza jasaýdy qamtamasyz etý, sondaı-aq osy ónimge ulttyq ekonomıkanyń naqty suranysyn aıqyndaý kerek», - dedi senator Rysbekova.
