Senator jastardyń áskerı qyzmetke barýyn yntalandyrý qadamdaryn usyndy

NUR-SULTAN. QazAqparat – Úkimet basshysy Álıhan Smaıylovtyń atyna joldaǵan depýtattyq saýalynda senator Bekbolat Orynbekov áskerı qyzmetke shaqyrýmen baılanysty júıeli máselelerge nazar aýdaryp, olardy sheshý úshin birqatar usynystar aıtty, dep habarlaıdf QazAqparat tilshisi.

Depýtat bul máseleni qańtar aıynda bolǵan qaıǵyly oqıǵadan keıin Parlament Májilisiniń otyrysynda sóılegen sózinde Memleket basshysy de kótergenin atap ótti. Senator jastardyń merzimdi áskerı qyzmet ótkerýge degen yntasy joq ekenin atap ótti.

«Máselen, 2021 jyly jergilikti áskerı basqarý organdarynda 215 myń 105 adam merzimdi áskerı qyzmetke shaqyrylýǵa tıis bolyp, onyń ishinen qarýly kúshterge jáne basqa da áskerler men áskerı qurylymdarǵa 32 myń 064 adam shaqyryldy. Qalǵan 183 myń 041 adam nemese áskerge shaqyrýǵa jatatyn jastardyń 85 protsenti túrli sebepter boıynsha áskerge shaqyrýdan keıinge qaldyryldy nemese tolyǵymen bosatyldy», - dedi depýtat.

Senator óziniń depýtattyq saýalynda Úkimetke áskerge shaqyrý-esepke alý jumysynyń sapasyn jaqsartý jáne jastardy áskerı boryshyn oryndaýǵa yntalandyrý úshin birqatar naqty usynystar jiberdi.

«Merzimdi áskerı qyzmet ótkergen jastarǵa oqýǵa qabyldaý emtıhandaryn tapsyrý kezinde qosymsha baldar berýge, merzimdi áskerı qyzmet ótkerý kezeńinde tehnıkalyq jáne ınjenerlik-qurylys mamandyqtary boıynsha oqytýdy odan ári jumysqa ornalastyrý úshin uıymdastyrýǵa bolady», - dedi depýtat