Senator J.Erǵalıevtiń «Jetim taǵdyr» shyǵarmasy qaraǵandylyqtardyń kóńilinen shyqty
KÓKShETAÝ. QazAqparat - Adam balasynyń izgiligi men meıirimin, bir-birine degen súıispenshiligi men mahabbatyn saqtap qalýǵa qazirgi ýaqytta óner jaýapty! Bul týraly Qaraǵandy oblystyq Sáken Seıfýllın atyndaǵy qazaq drama teatry kórermenderine «Jetim taǵdyr» shyǵarmasyn usynǵan elimizge tanymal, talantty jazýshy-dramatýrg, Qazaqstannyń eńbek sińirgen qaıratkeri, Parlament Senatynyń depýtaty Jabal Erǵalıev málim etti.
Bul joly qaraǵandylyqtar dramatýrgtiń «Jetim taǵdyr» shyǵarmasynyń qoıylymyn erekshe bir yqylaspen tamashalady. Qazaqstannyń mádenıet qaıratkeri, talantty rejısser Slambek Jumaǵalı sahnalaǵan bul shyǵarmaǵa búgingi kúnniń áleýmettik qaıshylyqtary men eki jastyń shynaıy mahabbaty jáne baqytqa jeter joldaǵy kúresi arqaý bolǵan. Bir-birin ólerdeı súıgen eki ǵashyq shańyraq kóterip, mahabbat darııasynyń káýsarlaryna shólderin qandyrǵylary kelgenderimen, Jazıranyń ata anasy «detdomda» ósken tul jetimge qyzdaryn bergisi kelmeıdi. Sol jetim taǵdyrly Sábıt yqpaldy adamdardyń kúshimen eriksiz jyndyhanaǵa toǵytylady. Alaıda sol jyndyhanadan Sábıt qashyp shyǵyp, Jazıra ekeýi shalǵaıdaǵy aýylda otyrǵan Esen men Jánıpa qarııalardy panalaıdy. Eń bastysy qaımaǵy buzylmaǵan, ulttyq úrdis pen babalardan jalǵastyǵyn taýyp kele jatqan izgi qasıetterimizdi saqtap qalǵan aýyldyń keńdigi, tirshilik kózin jandandyryp, nar tulǵaly urpaq tárbıelep jatqandyǵy men qala adamdarynyń psıhologııalyq qaıshylyqtary talasty qyzdyryp, kóńilge túrli oı salady, Adam azbasyn, urpaq tozbasyn degen avtordyń negizgi oıyn teatr akterleri ózderi somdaǵan keıipkerleri arqyly shynaıy jetkize bildi.
Kórermenniń kóńilderinen shyqqan dramanyń premerasy sátti ótip, zor yqylasqa bólendi. Bul qoıylymdy tamashalaýǵa avtormen birge Senat depýtaty ıÝ.A. Kýbaıchýk te qatysty.
