Senator J.Erǵalıev: El birligi úshin barshamyz jaýaptymyz
Onyń aıtýynsha, biz óz táýelsizdigimizdiń qasıetti kezeńinde turmyz. Qazaq eliniń táýelsiz bolǵanyna shırek ǵasyr. Osy ýaqyt aralyǵynda Qazaqstandy álem tanydy.
«Búgingi júrisi de, ekpini de qatty ýaqyt úderisindegi shırek ǵasyr kózdi ashyp jumǵansha kezeń bolar. Alaıda, osy bir qas qaǵymdyq sátte Qazaqstannyń álemdik arenadaǵy abyroıy men bedeli asqaqtaı tústi. Árıne, bul ózimizdiń Elbasymyz, táýelsiz elimizdiń Tuńǵysh Prezıdenti Nursultan Ábishuly Nazarbaevtyń arqasy ekendigi daý týdyrmaıtyn másele», - deıdi senator Jabal Erǵalıev.
Elbasynyń «Ult jospary qazaqstandyq armanǵa bastaıtyn jol» maqalasy búgingideı álemdik daǵdarys jaǵdaıynda Qazaqstannyń sol armanǵa bastaıtyn joldan adastyrmas temirqazyǵy ispettes. Elimizdiń kúrdeli zamannyń kúrmeýin sheshý jolyn Elbasy taǵy da naqtyly atap kórsetip berdi.
«Biz Máńgilik el bolýdy murat etip otyrǵan elmiz. Al, bizdiń Máńgilik el bola alatyndyǵymyzǵa kúmánimiz joq. HHІ ǵasyrdyń ortasyna qaraı Qazaqstandy álemniń asa damyǵan 30 eliniń qataryna qosýdy josparlap otyrmyz. Elbasy jahandyq daǵdarysqa da qaramastan Qazaqstandy 100 naqty qadam Ult josparyn alǵa tartty. Sońǵy birer jyl aıasyndaǵy elimizdiń serpindi damýynyń naqtyly qadamdary jasaldy. Eń áýeli Elbasynyń bastamasymen Eýra azııalyq ekonomıkalyq odaq quryldy, Qazastan qazir Dúnıejúzilik saýda uıymynyń múshesi. Osynyń bári elimizdiń serpindi damýyna jol asha túskendigi sózsiz.
Elbasy alǵa tartyp otyrǵan Ult josparyn oryndap shyǵý úshin Parlament asa qysqa merzimde 59-dan astam zań qabyldady. Bul zańdardyń barlyǵy da Elbasynyń alǵa qoıyp otyrǵan isterin júzege asyrýdy zańdyq turǵydan qamtamasyz etý múmkindigine jol ashty. Ult josparynyń Qazaqstandy jańǵyrtýdyń basty jobasy ekendigin atap kórsetti. Qazaqstandy jańǵyrtý úshin bárimiz de jaýaptymyz. Ol jaýapkershiliktiń basty mindeti el birligin saqtaý bolyp tabylady. Búgingideı almaǵaıyp zamanda qazaqstandyqtardyń uıyǵan birligi men yntymaǵyn odan ári nyǵaıtý árqaısymyzdyń basty mindetimiz bolyp sanalady. El birligi úshin barshamyz jaýaptymyz», - dep sózin qorytyndylady senator.
