Senator úılerdegi oıyn-saýyq oryndarynyń jumysyn shekteýdi usyndy
NUR-SULTAN. QazAqparat – Senator Andreı Lýkın turǵyn úılerdegi oıyn-saýyq oryndarynyń jumys ýaqytyn saǵat 23:00-ge deıin shekteýdi usyndy, dep habarlaıdy QazAqparat tilshisi.
«Qabyldanǵan ákimshilik sharalarǵa qaramastan, oıyn-saýyq oryndaryndaǵy tártip buzýshylyqtar jalǵasa beredi dep oılaımyn. Ótken jyly statıstıka boıynsha polıtsııaǵa oıyn-saýyq oryndaryndaǵy oqıǵalar boıynsha 16 myńǵa tarta habarlama kelip tústi. ıAǵnı bul jaǵdaılar dámhanalarda, meıramhanalarda jáne klýbtarda oryn aldy», - dedi A. Lýkın elordadaǵy Polıtsııa departamenti ujymymen kezdesý barysynda.
Onyń sózine qaraǵanda, jyl saıyn tártip saqshylarynyń osyndaı shaqyrtýlarǵa barýy artyp keledi.
«Sondyqtan oıyn-saýyq oryndarynyń jumysyn zańnamalyq turǵyda shekteýdi qarastyrý qajettigi aıtylýda. Olar turǵyn úılerde bolsa, saǵat 23:00-ge deıin, ǵımaraty bólek tursa, túngi saǵat 02:00-ge deıin qyzmet etýi usynylýda. ıAǵnı ýaqytyn zańmen aıqyndaý qarastyrylýda», - dedi senator.
Osy oraıda ol atalǵan oıyn-saýyq oryndary tarapynan tártip buzýshylyqtar oryn alsa, olardyń jumysyn shekteý sharalaryn qabyldaý kerektigin atap ótti.
