Senator UBT-dan óte almaı qalǵan talapkerlerdiń qandaı jolmen JOO-ǵa oqýǵa túsetinin aıtyp berdi
ASTANA. QazAqparat - UBT-dan óte almaǵan adamdar shyǵyrmashylyq mamandyqtarǵa túsip, 1 jyldan keıin basqa mamandyqqa aýysyp ketedi. Bul týraly búgin OKQ brıfınginde QR Parlamenti Senatynyń depýtaty Murat Baqtııaruly aıtty.
«UBT jastarymyzǵa joǵary bilim alýǵa múmkindik beretin jol. 50 baldan tómen upaı jınaǵan azamattar JOO-ǵa túsý quqyǵynan aıyrylady. Ókinishke oraı, osy mejeden óte almaı qalǵan 10 myńdaǵan azamattarymyz JOO-lardaǵy shyǵarmashylyq mamandyqtarǵa, ıaǵnı dızaın, dene shynyqtyrý, jýrnalıstıka sııaqty mamandyqtarǵa qujat tapsyryp, baldaryn joǵarylatyp alady da, 1 semestrden keıin nemese 1 jyldan keıin basqa mamandyqtarǵa aýysyp ketip jatady. Bul da zańnamadaǵy olqylyqtardyń biri sondyqtan da osy máselelerdiń barlyǵyn zań aıasynda retteıtin bolsaq, kásiptik saladaǵy mamandarǵa degen qajettiliktiń oryn toltyra alamyz», - deıdi ol.
Senatordyń aıtýynsha, tek 2014 jyldyń málimetteri boıynsha, elimizde 350 myńǵa jýyq shetel azamaty qurylys, qyzmet kórsetý jáne basqa da salalarda jumys jasaǵan.
«Sondyqtan biz ákimshilik emes, zańdy jolmen joǵary oqý oryndaryna túsetin azamatardyń sanyn rettep, sol arqyly kóptegen máselelerdi sheýimizge bolady», - dep túıdi M. Baqtııaruly.
