Senator Túrkistan qalasyna qosymsha 23 mlrd teńge bólýdi surady
NUR-SULTAN. QazAqparat - Senator Álı Bektaev Úkimet basshysy Asqar Mamınge depýtattyq saýal joldap, onda Túrkistan qalasynyń ınfraqurylymyn damytýǵa qosymsha qomaqty qarajat bólýdi ótindi, dep habarlaıdy QazAqparat tilshisi.
Senat depýtaty sońǵy jyldary Túrkistan qalasy qarqyndy damyp kele jatqanyn erekshe atap ótti. Degenmen sheshimin kútken birqatar máseleler bar.
«Túrkistan qalasynda salynyp jatqan kórkem ǵımarattardyń kópshiligin aýyz sýmen, káriz júıesimen, elektr jelilerimen, jylý júıesimen qamtamasyz etý jaıy sheshilmegen. Osyǵan baılanysty biz Premer-Mınıstrden 23 mlrd teńge kóleminde qarjyny 3 jyldyq bıýdjetten qaraýyn suraımyz», - dedi senator.
Onyń aıtýynsha, 2021-2023 jyldarǵa arnalǵan respýblıkalyq bıýdjetti qaraý barysynda «Turkistan» arnaıy ekonomıkalyq aımaǵynyń ınfraqurylymyna; kópqabatty turǵyn úılerdi sýmen qamtamasyz etý men káriz júıelerine; elektr qýatymen qamtamasyz etý úshin qosalqy stansa salýǵa; turǵyn úılerdi jylýmen qamtamasyz etýge; jańadan salynyp jatqan qala aýmaǵyn abattandyrýǵa; qaladaǵy jańa turǵyn úı alabyna ınjenerlik-ınfraqurylymdardy júrgizýge; «Áziret Sultan» qoryq-murajaıynyń aınalasyn abattandyrýǵa qarajat bólý qajet.
