Senator Tólegen Muhamedjanov elimizde qaıyrymdylyq merekesi bolǵanyn qalaıdy

Senatordyń aıtýynsha, 1997 jyly rýhanı kelisim kúnine arnalyp, úlken qaırymdylyq aktsııasy uıymdastyryldy. «Biz osy kúni dastarhan basynda elimiz boıynsha 60 myń adamdy jınadyq. Osy

kúni árbir dastarhan basynda elimizdiń dástúrli, jetekshi dinderiniń ókilderi duǵa qyldy. Sondaı-aq osy merekelik dastarhanda turmysy ortasha jáne baqýatty turatyn azamattar, saıasatkerler men zeınetkerler, jetimder men jesirler de bas qosty. ıAǵnı, bul dastarhan bizdiń qoǵamymyzdy biriktiretin bir úlken shara boldy. Biz osy shara arqyly ózimizdiń bir memlekettiń, bir eldiń azamattary ekenimizdi kórsettik»,-dedi T.Muhamedjanov.

Onyń sózine qaraǵanda, sodan beri qaıyrymdylyq sharasy elimizde birneshe márte uıymdastyrylǵan. Tipti jyl saıyn uıymdastyrylyp turdy deýge bolady. «Biraq biz keıin uıymdastyrǵan sharalardyń barlyǵy 1997 jylǵydaı keń aýqymda ótken joq. ıAǵnı, ıgi shara jalǵasyn taýyp kete almady. Al biz osyndaı ıgilik qoǵam ókilderi tarapynan keń qoldaý taýyp, dástúrge aınalsa degen nıettemiz. Sondyqtan biz bıyl osy bastamany keńirek nasıhattap, onyń elimizde óris alyp ketýine kúsh salyp otyrmyz. Búginde AQSh-ta «Rızashylyq kúni» atty mereke bar. Men osy merekeni ózi kózimmen kórip qaıtqanym bar. Bul merekeniń árbir amerıkandyq úshin orny bólek. Olar osy kúni XVIII ǵasyrda AQSh-tan jer aýyp kelgen azamattarǵa qamqorshy bolǵan úndisterge taǵzym etedi. Osy mereke búginde amerıkan halqyn biriktirip otyrǵan kúsh sııaqty. Bul merekeni amerıkandyqtar Rojdestvodan da artyq kútedi. Men Qazaqstan azamaty retinde bizdiń de elimizde osyndaı meırimdilikke, ımandylyqqa jeteleıtin mereke bolsa degen oıdamyn»,-deıdi senator.

Onyń sózinshe, qaırymdylyq dastarhany elimizde 18 qazanda Rýhanı kelisim kúnine arnalǵan sharalar aıasynda da uıymdastyrylady dep kútilýde.