Senator: Tehnıkalyq jaǵdaıy nashar kólikterdi jolǵa shyǵarmaý kerek
ASTANA. QazAqparat - Tehnıkalyq jaǵdaıy óte nashar avtokólikterdi jolǵa shyǵarmaý kerek. Bul týraly Senattaǵy parlamenttik tyńdaýda senator Muhtar Altynbaev málim etti, dep habarlaıdy QazAqparat.
«Astanadaǵy avtomobılderdiń tehnıkalyq jaǵdaıyna nazar aýdarǵym keledi. Aldaǵy ýaqytta «EKSPO-2017» halyqaralyq kórmesi ótedi, osy oraıda qalaǵa shetelden qonaqtar kóptep keletinin belgili. Baıqasańyzdar, joldarda tehnıkalyq jaǵdaıy óte nashar kólikter júr. Bul avtokólikterdi jolǵa jaqyndatýǵa bolmaıdy, ıaǵnı jýylmaǵan, jan-jaǵy soǵylǵan, jaryq qurylǵylary isten shyqqan. Birneshe ret toqtap, shamdary janbaıtyn kólikterge qatysty polıtsııa qyzmetkerine eskerttim. Óz kezeginde bul qyzmetker eshqandaı shara qoldanbady. Osy máselelerge mán bergen jón», -dedi senator.
Budan bólek, M. Altynbaev adamdardy júrgizýshilik kýálikterinen aıyrýdyń ornyna aıyppul salǵan tıimdirek ekenin aıtty.
«Árıne, alkogoldik ishimdikke masaıǵan kúıinde ustalsa, onda júrgizýshilik kýáliginen aıyrǵan durys. Al qalǵan jaǵdaılarda aıyppul salý kerek, bul óz kezeginde bıýdjet túsimin de arttyrady»,-dedi depýtat.
