Senator tártibi qıyn balalarǵa arnalǵan lagerde boldy

NUR-SULTAN. QazAqparat - Parlament Senatynyń depýtaty Serik Bekturǵanov Qostanaı oblysyna jumys sapary barysynda elimizdiń Іshki ister mınıstrliginiń Sh.Qabylbaev atyndaǵy Qostanaı akademııasynyń qala syrtyndaǵy lagerine bardy, dep habarlaıdy Joǵary Palatanyń baspasóz qyzmeti.

Depýtat balalardyń qala syrtyndaǵy demalys aımaǵynda bolý baǵdarlamasymen tanysty jáne Akademııa basshylyǵymen qıyn jasóspirimderge arnalǵan lager uıymdastyrý bastamasy týraly jan-jaqty áńgimelesti. Balalar qala syrtynda alǵash ret demalǵandaryn aıtyp, aldaǵy jyldary da demalysty osylaı uıymdastyrý týraly ótinish jasady.

Balalar qaladan akademııanyń avtobýsymen barady, sondyqtan tamaqtanýǵa ǵana aqsha shyǵady eken. Senator bilim jáne ǵylym, ishki ister mınıstrlikterimen birlese otyryp Sh.Qabylbaev atyndaǵy akademııanyń oń tájirıbesin qarastyrý jáne osy tájirıbeni múmkindiginshe taratý jaıynda oılaryn ortaǵa saldy. Bul elimizdegi jeke ınvestıtsııaǵa qıyn balalar men jasóspirimderdiń demalysyn uıymdastyrý jónindegi alǵashqy tájirıbe bolyp otyr.