Senator Talǵardaǵy jasóspirimniń ólimi jaıynda: zańdy kúsheıtkenmen másele sheshilmeıdi

ASTANA. KAZINFORM — Іshki ister mınıstriniń burynǵy birinshi orynbasary jáne jaqynda senator bolǵan Marat Qojaev Talǵar aýdanynda jasóspirimniń óliminen keıin zańnamany kúsheıtýge qatysty suraqqa jaýap berdi.

«Bizdiń zańdar jetkilikti deńgeıde qatal ekenin aıta alamyn. Al qoǵamdaǵy qatygezdik nemese zorlyq-zombylyq máselesin tek zańnamany qataıtý arqyly sheshý nátıjeli bolady dep aıtý qıyn. Shyn máninde, bul turǵyda áleýmettik máselelerdi tutas qarastyrý kerek. Tárbıeden, alǵan bilimnen bastap qamtyp, adamnyń ósken ortasyna nazar aýdarý qajet», - dedi M. Qojaev Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, kórshiles Qytaıdyń keıbir zańdary Qazaqstanǵa qaraǵanda óte qatal.

«Olarda keıbir qylmystar úshin atý jazasy qarastyrylǵan. Degenmen, Qytaıda bul qylmystar áli de bolyp jatyr», - dedi senator.

Budan buryn habarlanǵandaı, taıaýda Prezıdent Jarlyǵymen Marat Qojaev Qazaqstan Parlamenti Senatynyń depýtaty bolyp taǵaıyndaldy. Ol Іshki ister mınıstriniń birinshi orynbasary laýazymynan bosatyldy.

Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.

Almaty oblysynyń Polıtsııa departamenti Talǵar qalasynda 16 jastaǵy jasópirimniń ólimine qatysy bar kúdiktilerdiń Qonaev qalasyna jetkizilgenin habarlady.

Іshki ister mınıstri Talǵardaǵy jasóspirimniń ólimine qatysty isti baqylaýǵa aldy.