Senator Shymkent zoologııalyq parkin qaıta qurýǵa 875,9 mln. teńge bólýdi surady

«Búgingi tańda Ońtústik Qazaqstan oblysynyń ortalyǵy, mıllıonǵa jýyq halqy bar Shymkent qalasynyń áleýmettik-ekonomıkalyq jaǵdaıy turaqty damý ústinde. Elbasy N.Nazarbaev Ońtústik Qazaqstan oblysyna issapary kezinde Shymkent qalasyn elimizdegi 1 mıllıon halqy bar úshinshi qala etý týraly tapsyrma bergen bolatyn. Osy tapsyrmany júzege asyrý jáne oblystyń týrızm salasyn damytý maqsatynda jergilikti bıýdjet esebinen respýblıkanyń 3 zoologııalyq parkteriniń biri - Shymkent zoologııalyq parkin qaıta qurýdyń joba-smetalyq qujaty ázirlenip, memlekettik saraptamadan ótti. Jobanyń jalpy smetalyq quny 875,9 mln. teńgeni quraıdy», - deıdi Q. Aıtahanov.

Onyń sózine qaraǵanda, atalǵan nysandy 2012 jyly jáne aǵymdaǵy jyly respýblıkalyq bıýdjetten qarjylandyrý týraly jasalynǵan usynystar belgisiz sebeptermen keıingi jyldarǵa qaldyrylyp otyr.