Senator Serik Aqylbaı quqyqtyq túsindirý jumystaryn kúsheıtýge shaqyrdy
ASTANA. QazAqparat - Qaraǵandy oblysynda jumys babyndaǵy saparmen júrgen Parlament Senatynyń depýtaty Serik Aqylbaı 5 qańtarda oblys ákimi Nurmuhambet Ábdibekovpen aımaqtyń áleýmettik-ekonomıkalyq damý keleshegin talqylady.
Sondaı-aq depýtat Qaraǵandy oblystyq prokýratýrasynda mekemeniń jeke quramymen kezdesti. S. Aqylbaı zań jobalarynyń Parlamentte qaraý nátıjeleri týraly habardar etti. 2016 jyly Senat depýtattary 106 zań qarap, qabyldady. Kezinde jurtshylyq arasynda keńinen talqylanǵan Jer kodeksine engizilgen ózgeristerge de nazar aýdaryldy.
S. Aqylbaı prokýratýra organdary zańnamaǵa ekstremızm men terrorızmge qarsy is-qımyl máseleleri boıynsha engizilgen ózgeristerdegi azamattardyń turǵylyqty jeri ózgergen jaǵdaıda ýaqytsha tirkelý máselelerin túsindirý jumystaryn kúsheıtý qajettigin atap ótti.
Senator sonymen qatar Balqash qalasyna baryp, «Sary Qazyna» mekemesinde, № 1 emhanada jáne «Pýls» nan kombınatynda boldy.
6 qańtarda S. Aqylbaı Prıozersk qalasyndaǵy áleýmettik jáne óndiris nysandarynda boldy. Onda «Dostyq» balalar-jasóspirimder shyǵarmashylyǵy ortalyǵynyń, «Balaqaı» balalar baqshasynyń jáne «Aqbulaq» memlekettik baǵdarlamasy boıynsha salynǵan jergilikti sý qoımasynyń eńbek ujymdarymen kezdesti. Sondaı-aq depýtat «Nur Otan» partııasynyń qalalyq bólimshesinde de boldy.
Sondaı-aq Qaraǵandy oblysynda júrgen senator S. Ershov Qarqaraly aýdanynda jumys babyndaǵy saparmen boldy. Qarshyǵaly aýyldyq okrýginde depýtat jergilikti sharýa qojalyqtarynyń jetekshileri jáne aýyl sharýashylyǵy ónimderin óndirýshilerimen kezdesti. Júzdesý barysynda Parlament Senatynda qaralyp jatqan «Jaıylymdar týraly» jáne «Qazaqstan Respýblıkasynyń keıbir zańnamalyq aktilerine jaıylymdardy paıdalaný máseleleri boıynsha ózgerister men tolyqtyrýlar engizý týraly» zań jobalarynyń erejeleri talqylandy. Jergilikti turǵyndar jeke úı-jaıdy ustaý maqsatyndaǵy jaıylym jerlerdi, sondaı-aq jaıylymdardy tıimdi paıdalanýdyń ózekti máselelerin zańnamalyq turǵyda retteýge basa nazar aýdaryp otyr.
Sharýa qojalyqtarynyń jetekshileri men aýyl sharýashylyǵy ónimderin óndirýshiler agrarlyq jáne veterınarııa salalaryn retteýge baılanysty birqatar máselelerdi kóterdi.
Aýdandyq máslıhat depýtattarymen kezdesý barysynda S. Ershov «100 naqty qadam» Ult josparyn zańnamalyq turǵyda iske asyrý jónindegi Parlamenttiń zań shyǵarý jumystary, sondaı-aq ekstremızm jáne terrorızmge qarsy is-qımyl, qarsy barlaý qyzmeti, probatsııa, daktıloskopııalyq jáne genomdyq tirkeý máseleleri boıynsha qabyldanǵan zańdar týraly aıtyp berdi.
Depýtat sonymen qatar Qarqaraly qalasyndaǵy bıýdjet uıymdarynyń qyzmetimen tanysty.
