Senator «SCAT» áýe kompanııasynyń lıtsenzııasyn qaıtaryp alý týraly másele kóterdi

«2013 jyldyń 29 qańtarynda Kókshetaýdan ushyp shyqqan «SCAT» áýe kompanııasynyń ushaǵy Almaty túbinde apatqa ushyraǵan bolatyn. Onda 27 adam qaza boldy. Alaıda «SCAT» áýe kompanııasymen ushýdyń áli de bolsa adam ómirine qaýipti ekendigine sońǵy jaǵdaılar taǵy da kóz jetkize bastady», - dedi depýtat.

Bul rette senator 1 sáýirde «SCAT» áýe kompanııasyna qarasty Bangkok-Astana jáne 7 sáýirde Shymkent-Astana baǵytymen ushyp kelgen ushaqtary apatty jaǵdaıda Astana áýejaıyna qonǵanyn alǵa tartty. Onda ushaqtyń qonýy barysynda jyldamdyq tejegishi isten shyǵyp, adam ómirine taǵy da qaýip tóndirgen bolatyn. «Jalpy, «SCAT» áýe kompanııasyna qazaqstandyq áýe jolaýshylardyń taǵdyry men ómirin jıi-jıi, tipti aptasyna bir ret «synap turýlaryryna» jol bermeý qajettigin oılaıtyn kez keldi. Onyń ústine alda jaz aılary kele jatyr, kóptegen otandastarymyz alys-jaqyn shetelderge demalýǵa asyǵady. «Betin aýlaq qylsyn» deı otyryp, áýe jolaýshylarynyń qaýipsizdigin qamtamasyz etý, avıa-apattardyń aldyn alyp, adam qasiretine jol bermeý kerek. Bul úshin «SCAT» áýe kompanııasynyń ushýǵa jaramdylyǵyn, ushqyshtarynyń kásibıligin qatań baqylaýǵa alýdy, tipti qajet bolsa sheteldik maman-sarapshylardy shaqyrtyp tolyqqandy tekserý júrgizý kerek» - dedi J. Erǵalıev. «Bárinen adam ómiri qymbat. Sondyqtan da, qajet bosa «SCAT» áýe kompanııasy ushaqtarynyń tehnıkalyq jaǵdaılaryn tolyq anyqtap bolǵansha, olardyń jumysyn ýaqytsha toqtatyp, lıtsenzııasyn da ýaqytsha qaıtaryp alý kerek», - dedi ol.