Senator Sáýle Aıtpaevamen kezdesýde jetim balalardyń quqyqtaryn saqtaý máselesi kóterildi
S. Aıtpaeva balalardyń qaýipsizdigin qamtamasyz etý máselelerin talqylaý jáne balalardyń tárbıesine qoǵamnyń nazaryn aýdarý maqsatynda Talǵar qalasynyń aktıvimen kezdesti. Sharaǵa oblystyq prokýratýra, jergilikti polıtsııa jáne densaýlyq saqtaý bóliminiń ókilderi, aýdandyq jáne qalalyq máslıhat depýtattary, qalalyq bilim berý bóliminiń, kásiptik bilim berý uıymdarynyń, mektepterdiń basshylary, pedagog-psıhologtar, ata-analar qaýymdastyǵynyń ókilderi, ÚEU jáne buqaralyq aqparat quraldarynyń ókilderi qatysty.
Ýákil birqatar áleýmettik nysandardy aralap, Talǵar agrobıznes jáne menedjment kolledjiniń stýdentterimen jáne ujymymen, ıÝ.Gagarın atyndaǵy daryndy balalarǵa arnalǵan №8 gımnazııanyń, №3 Talǵar orta mektebiniń, Besaǵash aýylyndaǵy №29 orta mekteptiń ujymdarymen jáne oqýshylarymen kezdesti. Ýákil sonymen qatar ata-analar qaýymdastyǵynyń ókilderimen, Talǵar aýdanynyń bilim berý salasynyń qyzmetkerlerimen áńgimelesti.
Senat depýtaty sonymen qatar jurtshylyq ókilderimen, «Adam jáne qoǵam» úkimettik emes uıymynyń ókilderimen, tarıh ǵylymdarynyń doktory J. Smanqulovpen ashyq pikirlesti.
S. Aıtpaeva ata-analar qaýymdastyǵynyń ókilderimen jáne Qapshaǵaı qalasynyń bilim berý salasynyń qyzmetkerlerimen de kezdesti. Qapshaǵaı qalasynyń balalar shyǵarmashylyǵy ortalyǵynyń jáne №4 psıhologııalyq-pedagogıkalyq túzetý kabınetiniń jumysymen tanysty.
Kezdesý barysynda óńirdegi kámeletke tolmaǵandardyń quqyqtaryn qorǵaý jáne qamtamasyz etý, balalar arasyndaǵy quqyq buzýshylyqtyń aldyn alý, densaýlyq saqtaý, sondaı-aq jetim balalardyń quqyqtaryn saqtaý máseleleri talqylandy.
Ýákil mektep demalysy kezeńine daıyndyq jumystaryn kúsheıtý jáne balalardyń bos ýaqytyn uıymdastyrý qajettigin erekshe atap kórsetti. Sondaı-aq halyq arasynda belsendi aqparattyq-túsindirý jumystaryn júrgizý, balalardyń quqyqtaryn qorǵaý jáne otbasylyq problemalar máselelerinde ashyqtyqty qamtamasyz etý qajettiligine jergilikti atqarýshy organdardyń nazaryn aýdardy.
